Dwok genogen peri udok tek iwi copo ma Yehova tie ko mi bodhowa

Som Wel 13:25–14:4 pi nineno ayi ma Juisrael gikoso ko nibedo ku genogen iwi Yehova.

Nyam i lembe. Pirang’o nwang’u Juisrael gicikiri nibedo ku genogen iwi copo ma Yehova tie ko mi bodhogi? (Zab. 78:12-16, 43-53) Ang’o m’ucwalugi nibayu genogen migi iwi Yehova? (Poy. 1:26-28) Yocuwa giku Kaleb ginyutho nenedi nia gibino ku genogen iwi Yehova?—Wel 14:6-9.

Med nyang’ peri. Nwang’u Juisrael gicikiri nitimo ang’o kara gibed ku genogen ma tek iwi Yehova? (Zab. 9:10; 22:4; 78:11) Winjiri ma kani m’utie i kind geno Yehova ku niwore?—Wel 14:11.

Ponji ma wacopo nwang’u. Penjiri kumae:

• ‘Lembang’o ma copo cera niketho genogen para ceke iwi Yehova?’

• ‘Acopo timo ang’o kara genogen para udok tek iwi Yehova tin man i nindo m’ubino?’

• ‘Calu ma masendi ma dit udhingo, mito cwinya ubed tek i kum lembang’o?’—Luka 21:25-28.