PONJI MIR 6

Niketho junyang’ ma ber i giragora

Tic mi Jukwenda 17:2, 3

LEMBE M’ICOPO TIMO: I ng’ei somo giragora moko, kud ikadh ndhundhu i lembe m’ulubo. Kor i giragorane i kite ma copo konyo juwinj ginen nia erombo nenedi ku ponji peri.

KITE M’ICOPO TIMO KO:

Lond wec ma pigi tek. I ng’ei somo verse, lond wec mi versene, m’ugwaku kum paru ma pire tek m’ibeponjo. Ku lapor, icopo dwogo iwi wecne, kunoke icopo penjo penji moko pi nicwalu juwinj ginen wecne kamaleng’.

Kadok ibetio ku wec mange pi nikoro i giragora de, re asu kony juwinj ginen kite ma lembe m’uai i Biblia urombo ko ku paru ma pire tek m’ibeponjo.
Keth nwoc iwi gin m’imito jupoi i kume. Kan ilar inyutho thelembe m’uketho ibecisomo verse moko, kor nia paru ma dongo mi versene ucwaku thelembe m’imione nenedi.

Kinde m’ibekoro i giragora, wek Biblia ubed ayaba. Kan itimo kumeno, juwinj de gibiumo ngo Biblia migi; eno biketho gibineno kamaleng’ nia lembe m’ibekoro uai i Biblia.
Kor i verse i ayi ma yot. Kud icok lembe dupa i ponji peri. Nimakere ku lembe ma juwinj gidaru ng’eyo iwi ponji m’ibecimio, ng’ii kadiri mi lembe m’icopo yero pi nikonyogi ginyang’ i ponjine.