PONJI MI 22
Kite m’iromo rweyo ko lembanyong’a ni jumange
Lemandha ma beco m’ibecuku ponjo i Biblia copo ketho saa moko iparu kumae: “Eni tie lembe ma ber dit m’ukwayu dhanu ceke uwinji!” De andha, dhanu ceke gicikiri niwinjo lembe maeni! Ento, copere nia lworo yero lembene ni dhanu mange ubecuku negi. Dong’ wakenen lembe m’icopo timo pi nidaru lworo maeno man nicaku rweyo lembanyong’a mi Biblia ku mutoro.
1. Icopo timo ang’o pi nikoro gin m’idaru ponjo ni dhanu m’ing’eyo?
Julub pa Yesu giyero kumae: “Wacopo weko ngo niweco iwi gin ma waneno man ma wawinjo.” (Tic mi Jukwenda 4:20) Ubenen kamaleng’ nia gigam gimaru lembene lee mandha uketho gimito ginyuthe bende ni dhanu mange ceke. Nyo in de imaru lemandha mi Biblia man ibemito inyuthe ni jumange? Ka kumeno, bed iyeny kaka m’ikor ko ku woro lembe m’idaru ponjo i Biblia ni juruot kunoke wedi peri man jurimbi.—Jukolosai 4:6.
Ayi moko m’iromo caku ko
Kinde m’ibeweco ku wat peri moko, roy lembe mi Biblia i wecne kumae: “Aponjo lembe moko m’unyang’a lee yenga maeni.” E inyuth lembene.
Nyuth paru mi verse moko ni jarimbi m’uberemo kunoke ma tie kud adieng’a moko, pi nitielo cwinye.
Ka jaratic wedwu moko upenji nia itie nenedi, kor ire bende lembe m’iponjo i saa mi ponji peri mi Biblia kunoke i coko.
Nyuth ni jurimbi kusika mwa mir internet jw.org.
Lwong’ jumange bende gibin gidikiri kudi i saa ma jubeponjo kudi Biblia, kunoke nyuth igi ayi ma giromo tiyo ko ku jw.org pi nikwayu juponj kugi Biblia.
2. Pirang’o etie ber dit nicaku rweyo karacelo ku cokiri?
Julub pa Yesu gibed girweyo ngo kende kende ni dhanu ma ging’eyo. Yesu “orogi ario ario . . . i adhura ceke” gicidh girwey. (Luka 10:1) Nirweyo i ayi m’upangere ma ber kumeno umiyo kaka ni dhanu ma dupa dit niwinjo bende lembanyong’a. Bende, nirweyo karacelo ku jumange uketho julub ceke ginwang’u mutoro lee. (Luka 10:17) Nyo in de icopo timo kero kara icak rweyo karacelo kud umego ku nyimego mange mi cokiri?
MED NYANG’ PERI
Wakenen kawoni kite m’icopo daru ko lworo peri kara in bende icak rweyo lembanyong’a man inwang’ mutoro ma tije bemiyo.
3. Yehova bibedo kudi
Dhanu moko gibed gimito gicak rweyo lembanyong’a ento lworo negogi pilembe giparu nia jumange binenogi rac, biweco rac ku nying’gi kunoke bijologi ngo ma ber.
Nyo in de lworo koro lembe m’idaru ponjo i Biblia ni dhanu mange ubenegi? Ka eyo, pirang’o? Kan ungo ke, pirang’o?
Nen VIDEO, man i ng’eye wuwec iwi penji m’ulubo e.
Aradu mi video maeni gidaru lworo migi nenedi?
Som Isaya 41:10, man i ng’eye wuwec iwi penji m’ulubo e:
Ka lworo rweyo lembanyong’a ubenegi, pirang’o icikiri nirwo?
Nyo ing’eyo?
I wang’e, Jumulembe pa Yehova ma pol gibino ku lworo lee dit mi caku rweyo lembanyong’a ni jumange. Ku lapor, Sergey ubed uparu nia calu etie dhanu ma yo, eromo tuc ungo niweco ku jumange. Re i ng’ei m’ecaku ponjo Biblia, ekoro kumae: “Kadok abino jalworo de, re acaku koro gin m’abeponjo ni dhanu mange bende. Azungo lee dit nia koro lembe mi Biblia ni dhanu mange ulund udwoko cwinya tek ateka man uteng’o yiyoyic para.”
4. Nyuth woro
I wang’ nirweyo lembanyong’a ni ng’atini, kud ipar kende kende iwi lembe m’ibiyero, ento par bende iwi ayi m’ibiyere ko. Kwayu nitiyo ku wec mi woro. Som 2 Timoteo 2:24 man 1 Pethro 3:15, man i ng’eye wuwec iwi penji m’ulubo e:
Icopo tiyo ku juk mi verse maeni nenedi kan ibeweco ku ng’atini iwi lembe mi Biblia?
Wedi peri kunoke jurimbi moko giromo jolo ngo lembene. Saa maeno iromo timo ang’o? Lembang’o m’ukwayu ngo itim ke?
Pirang’o eromo bedo ber nia iwec kugi ku rieko kakare nidiyogi adiya ku yiyoyic peri?
5. Rweyo lembanyong’a miyo anyong’a
Yehova uoro Yesu ubin urwey lembanyong’a. Yesu ubed uneno tije nenedi? Som Yohana 4:34, man i ng’eye wuwec iwi penji m’ulubo e:
Ka wabecamu cam ma cuu, kumwa bedo ma ber man wakwo kud anyong’a. Pirang’o Yesu uporo timo yeny pa Mungu, m’uketho i iye rweyo lembanyong’a, ku cami?
Iparu nia ang’o ma copo miyo iwa anyong’a ka waberweyo lembanyong’a?
Kepim nitimo kumae:
I saa mi coko m’i kind yenga, lub cuu bodho moko m’iromo caku ko wec ku dhanu iwi lembe mi Biblia.
Wec ku japonjo peri mi Biblia pi ning’eyo gin m’iromo timo kara ikiew nyingi man icak timo theng ponji mir awiya mi somo i coko m’i kind yenga. Theng cokone maeno copo tendi kara ibed ku bodho man ing’ey nikoro lembe m’ibeponjo ni dhanu mange, m’umbe lworo.
I buku maeni, tii ku thiwiwec “Dhanu moko beyero kumae” kunoke “Ng’atu moko romo penji kumae” pi niponjo ayi m’iromo bedwoko ko wang’ penji kunoke jai ma bewok wang’ ma pol.
NG’ATU MOKO ROMO PENJI KUMAE: “Lembang’o ma nyen?”
Icopo tiyo nenedi ku kaka maeno pi nikoro ire bende gin m’idaru ponjo i Biblia?
I ADUNDO
Nirweyo lembanyong’a ni dhanu mange miyo anyong’a. Lworo kud unegi, kum etie yot nicaku rweyo.
Penji mi poyowic
Pirang’o ukwayu warwey lembanyong’a ni dhanu mange?
Iromo nyutho nenedi woro kinde m’iberweyo?
Icopo daru nenedi lworo mi caku rweyo lembanyong’a kud i ii?
TIM SAYUSAC
Nen yo ang’wen ma yot m’iromo rweyo ko lembanyong’a ku kart mi jw.org.
Nen lembe ang’wen ma copo konyi kara irwey lembanyong’a.
“Nyo itie ayika nidoko jadwar dhanu?” (Otkur ma Wiw, dwi mir 9, 2020)
Lapor pa nyathi nyaku moko ma Biblia uweco pire romo konyowa nibedo ku tegocwiny mi rweyo lembanyong’a kadok fodi watie awiya de. Nen video ma e:
Som gazeti ma e pi ning’eyo kite m’icopo koro ko lembe mi Biblia ni wedi peri ma gitie ngo Jumulembe pa Yehova.