Lembang’eya

JOL Umego ma juketho pi nijolo dhanu gitie ayika nikonyi. Wakwayi ilub telowic magibimiyo pi parking, kite mi wotho i ka coko maeni, man lembe m’uneno gwoko kabedo ni dhanu m’iwotho kugi, ku lembe mange de.

BATIZO Kan alokaloka mange mbe, jubiweko kom m’i wang’e, atira ku bop, ni ju ma bilimo batizo. Gibilar cibedo iwi kom m’i wang’ene i wang’ korolembe mi batizo, nyangu mi ceng’ soko. Ng’atuman biwotho ku bongu m’ebimondo ko i pii man bongu m’ebiweyo ko kume.

GIRAMIYA Kara coko maeni ukadh ma ber man ekonywa wacor ceng’ini i vut Yehova, jutiyo ku sente lee akeca pi niyiko kabedo, jamtic mi koko dwal, jamtic mi video, ku piny mange dupa. Giramiya mwu ma ku berocwiny konyo pi culo wang’ sente maeno ma jutiyo ko man pi nitielo tic mi Ker i ng’om zoo. Pi nidwoko lembe yot, juketho sanduku mi giramiya ma jukiewo kumgi cuu kaka ma tung’ tung’ mi coko maeni. Wucopo miyo bende giramiya nikadhu kud i kusika mir Internet donate.jw.org. Giramiya mwu ceke pigi tek lee. Guriri m’utelowic ubefoyowu lee dit pi giramiya mwu ma ku berocwiny ma wubetielo ko tic mi Ker kara tije ucidh i wang’e.

YATH MIR ULARNG’ADI Ng’ey nia yath maeni tie pi nilaru remo ma pio pio kende.

PINY M’URWINYO MAN MA JUNWANG’U Jucikiri nitero piny ceke ma junwang’u anwang’a i odtic mi piny m’urwinyo man ma junwang’u. Ka piny peri moko urwinyo, cidh i odtic maeno pi nineno ka nyo pinyne gi peri. Juromo tero bende awiya m’urwinyo ni jurunyodo migi kuca. Ento pi niuro adieng’acwiny ma hakine mbe ku peko mange ma romo wok, wakweyi igwok awiya peri ubed i ng’eti.

KABEDO Tim kisa par pi dhanu mange. Ng’ey nia e ber nigwoko kabedo kende kende ni juruot peri, ni dhanu ma wuwotho kugi, ni ju ma wubekwo kugi i ot acel, kunoke ni ju m’iponjo kugi Biblia. Tim kisa kud iketh gin moko iwi kom mange m’imbe ku yenyne, kara kud ucer kabedo ni dhanu mange.

JU M’UMIIRI KU BEROCWINYGI Kan imaru ikony tic moko i ka ka coko ma dit maeni, cidh inyuthiri i odtic mi Lembang’eya man odtic mi ju m’umiiri ku berocwinygi.