CAKU THE WEC
PONJI MIR 4
Jwigiri
Cik mir ukungu: “Ku jwigiri wunen nia jumange gi dit ma sagu wun.”—Filip. 2:3.
Gin ma Paulo utimo
1. Nen VIDEO, kunoke som Tic mi Jukwenda 26:2, 3. I ng’eye dwok wang’ penji m’ulubo:
Paulo unyutho jwigiri nenedi kinde m’ebeweco kud ubimo Agripa?
Kakare nitelo nen p’Agripa i wiye, Paulo utelo nen pare nenedi iwi Yehova man iwi Lembagora?—Nen Tic mi Jukwenda 26:22.
Ponji ma wacopo nwang’u
2. Rwonglembe mwa telo nen mi dhanu lee mandha ka waberweye ku jwigiri man ku woro.
Lub lapor pa Paulo
3. Kud ipar nia i dit nisagu jumange. Kud iketh junen nia ve ing’eyo lembe ceke man nia jumange ung’eyo ngo gin moko. Wec ku woro.
4. Keth junen nia Biblia re m’utie ukungu mi ponji peri. I Biblia junwang’u lembe ma copo mulo adunde dhanu. Ka wabetiyo kude, eca nwang’u wabegiero yiyoyic migi iwi kathere mandha.
5. Bed mol. Kud inyon tiendi nia in re m’ibeyero lemandha. Wamito ngo walar dhogwa ku jumange. Pi ninyutho jwigiri, bed ma kumi ukwiyo man ng’ey saa m’ukwayu iai cen i iye. (Rie. 17:14; Tito 3:2) Ng’atu ma mol weko kaka mi wec ma ber pi ma cen.