Wamed bodho mwa i tic mi rweyo lembanyong’a—Nitendo ju manyen

Pirang’o pire tie tek nitimo kumeno: Julub manyen pa Yesu gicikiri niponjo nitimo “gin ceke” m’eng’olo; gin cekene uketho i ie niponjo lemandha ni jumange. (Mat. 28:19, 20) Dupa mi ju manyen gidaru nipong’o lembe m’ukwayere pi nikiewiri i somo mi tic mi theokrasi, man ecicopere nia gibed girweyo i kite ma gipangu ngo ni wat migi kunoke ni jurimbgi. Re, calu gibemediri nifoyo dit ku lembe ma gibeponjo man gibetundo ning’eyo nia Yehova ubemito dhanu ceke uwinj lembanyong’a, gicopo nimaru nia gin bende gidok jurwei lembanyong’a. (Rum. 10:13, 14) Ing’ei ma juyio ng’atu moko manyen nia edok jarwei m’ulimo ngo batizo, ukwayu jutende cuu kara ebed ku tegocwiny i saa maeni m’ebemaku i ie yub ma pire tek pi dongo pare mi tipo.—Luka 6:40.

Kite ma juromo timo ko:

Kony jarwei manyen unwang’ jemni (publications) ma tung’ tung’ ma bikonye pi nirweyo man niponjo dhanu. Nyuth ire buku m’ibed iketho i sakoc peri mi rweyo lembanyong’a man kor ire kite ma jutio ko ku bukuman.
Wunen karacelo wukude i Tic Mwa mi Ker kite acel ma waromo nimio ko girasoma man wutuke. Keth cwiny ng’atu manyen ne nia etii ku wec ma jukiewo, re eyer lembene i wec pare gire. Wurud wang’ ayi ma tung’ tung’ mi rweyo lembanyong’a ma nwang’ere i buku École du ministère, mbaya mi 82, tii kud ayi ma jung’io ko i beng’wu. Nyuth ire cuu nia pire tie tek nikendo man nirukiri i kite m’ukwayere.—2 Kor. 6:3, 4.
Tende nok nok. Nyuth ni jarwei manyen karte mir ungu ma ng’atuman rweyo i ie (carte de territoire), man ponje kite m’eromo nitio ko ku karatasi ma jubed jukiewo i wie lembe ka juberweyo ot kubang’ ot (S-8). Nyuth ire kite mi gwoko nying’ ng’atu ma lembe mwa utelo nen pare. Ponje ku kite mi tio ku jw.org i tic mi rweyo lembanyong’a man nyathibuku Une bonne nouvelle pour des gens de toutes nations. Konye emedere niliewo ng’atu m’ufoyo ku ponji mwa.—1 Kor. 3:6.
Bed ku cirocir, man foye. (Rie. 25:11) Nyuth ire lapor maber. Amora peri man dieng’ ma segi m’idieng’ ko pire bibedo ku matoke maber i nindo m’ubino.

I dwi maeni kepim nitimo kumae:

Rwei ot ku bang’ ot karacelo ku ng’atu m’iponjo kude Biblia m’udoko jarwei manyen, man keth elwoki i liew peri kunoke i ponji peri mi Biblia. Kan imbe ku ng’atu moko m’iponjo kude Biblia m’udaru nidoko jarwei manyen, kwai jarwei ma fodi ung’io ngo akeca ulwoki i tic mi rweyo lembanyong’a.