“Ces paroles devront être sur ton cœur” (‘Lembe maeni ucikere nibedo iwi adundeni’)
Junyodo gitie ve jukwac. Gicikiri nigwoko awiya migi, pilembe gicopo nirwinyo yot yot man nipodho pio pio i awic. (Rie. 27:23) Junyodo giromo nitimo tic maeni mi kwac nenedi? Kubang’ ceng’, gicikiri ninwang’u saa mi weco kud awiya migi kara ging’ei lembe ma gibeparu man lembe ma nwang’ere i adunde migi. (Rie. 20:5) Bende, junyodo gicikiri nigomo yioyic mir awiya migi ku jamtic ma wang’ ungo, pi nitielo yioyicne. (1 Kor. 3:10-15) Video “Ces paroles devront être sur ton cœur” (‘Lembe maeni ucikere nibedo iwi adundeni’) unyutho nia pire tie tek nitimo thier mi juruot njaa. Wunen video maeno karacelo i ot mwu, ing’eye ke, wuwec iwi penji m’ulubo e.
(1) Ang’o m’uketho lembe mi tipo umaku ngo kabedo ma kwong’a i ot pa Roman? (2) Pirang’o iwang’e thier mi juruot p’umego Roman ugam unyothere? (3) Juk makani mi Biblia ma copo konyo junyodo kara gitund nitungo awiya migi cuu akeca? (Poi 6:6, 7) (4) Ang’o ma copo konyo juruot kara giwec maber i kindgi? (5) Awiya gitie ku yeny ma nia junyodo migi gimiiri pigi i ayi ma nenedi? (6) Umego Martin giku min ot pare gibedo ni lapor maber nenedi kara ot pa Roman unwang’ alokaloka? (Rie. 27:17) (7) Won ot ucikere nitimo ang’o iwang’e kara thier mi juruot pare ukadh maberi? (8) Umego Roman utimo ang’o kara eyik lembe i ot pare? (9) Pirang’o ukwayu nitimo thier mi juruot njaa kubang’ nindo man saa ma juketho? (Ef. 6:4) (10) Lembe moko makani ma juromo timo i saa mi thier mi juruoti? (11) Kinde m’umego Roman ubino nikonyo wode Mathias unyang’ iwi bero mi timo lembe m’atira, ekonye nenedi ku molo, re m’umbe niloko paru pare? (Yer. 17:9) (12) Umego Roman giku min ot pare ginyamu i lembe nenedi karacelo ku Rebeca pi nikonye emak yub maber iwi mer pare giku Justin? (Mk. 12:30; 2 Tim. 2:22) (13) Umego Roman giku min ot pare ginyutho nenedi nia gitie ku yioyic kinde ma gitimo alokaloka i kwo migi m’iwang’e? (Mat. 6:33) (14) Video maeni uketho peko nenedi nia pire tek ni wegi udi nipong’o yeny mi tipo mi juruot migi? (1 Tim. 5:8) (15) Won ot, imaku yub mi timo ang’o?
NI WEGI UDI: Tuko maeni m’uweco iwi lembe mi rundi mwa, ugam utukere i coko mwa madit mir adhura ma jutimo i oro 2011. Nyo i saa maeca, igam ineno lembe moko m’ukwayu itim i ie alokaloka i thier mi juruot peri? Kawoni ke? Kan alokaloka mange ubekwayere, wabekweyi irwo pire, man itim alokalokane pi bero ma rondo ku rondo mi juruot peri.—Ef. 5:15-17.