Wamed bodho mwa i tic mi rweyo Lembanyong’a​—Ninyutho ni jawinj, lembe ma wubiweco i wie nindo m’ubino

PIRANG’O PIRE TIE TEK NITIMO KUMENO:

Wabed wamito nikwoyo pii iwi kodhi mi lemandha ma wacoyo. (1Kor 3:6) Ka wanwang’u ng’atu moko ma ponji mi Biblia utelo nen pare, etie ber nia wawek penji moko ma wabiweco i wie i nindo m’ubino kinde ma wabidok niliewe. Eno bimio ire ava, man bikonyowa kara wayikara yot yot pi liewne. Ka wadok niliewe nindo macen, wacopo niyero ire nia wadwogo nidwoko wang’ penji ma waweko kinde ma waweco kude nindo m’ukadhu.

KITE MA JUROMO TIMO KO:

• Saa m’ibeyikiri pi rweyo lembanyong’a ot kubang’ ot, yik bende penji moko ma wubiweco i wie i liew mi nindo macen. Ecopo bedo penji moko ma judwoko wang’e i girasoma m’ibimio ni dhanu. Kunoke penji moko ma wang’e udwokere i buku moko ma wabed waponjo ko Biblia ku dhanu, m’ipangu nia ibiwok nyutho ni jawinj peri kinde m’ibidok niliewe.

• Saa m’ibedaru wec ku ng’atu ma ponji mi Biblia utelo nen pare, yer ire nia ibifoyo dit niweco kude kendo nindo macen, man ing’eye, nyuth ire penji m’ilar iyiko. Kan ecopere, kwaye enyuth namba mi telefon, kunoke kabedo pare.

• Ka wuwinjuru nia ibidok niliewe nindo ma kumae, wor winjiri mwune.​—Mat 5:37.