“Anuti eni; ora.”

Pidoic mi miyiri pa jabila Isaya uromo aluba. Kadok nwang’u eng’eyo ngo lembe ceke iwi gin ma juore pire de, re enyutho yioyic man eyio or ndhu ndhu. (Isa 6:8) Nyo in de icopo niyikiri pi nicidho nitimo i kabedo ma jutie i ie ku yeny mi jurwei lembanyong’a mi Ker? (Zab 110:3) M’umbe jiji, pire tie tek “nikwanu wel piny” pi nidok kaka ma yeny utie lee i ie. (Lk 14:27, 28) Re, bed ayika nithieriri pi tic mi rweyo lembanyong’a. (Mat 8:20; Mk 10:28-30) Calu ma junyutho i video Déménager là où il y a besoin de renfort (Nidok i kabedo ma yeny utie i ie), mugisa ma wanwang’u i tic pa Yehova ukadhu thieriri moko ci mange ma waromo nitimo.

KINDE MA JUDARU NENO VIDEO UTHUM, KETH JUDWOK WANG’ PENJI MA JURIEYO PINY E:

• Juruot pa Wiliam gimaku yub makani kara gidok nitimo ka ma yeny utie i ie i ng’om mir Équateur?

• Iwang’ nidok kuca gilar ging’io cuu i lembe ma tung’ tung’ makani?

• Ginwang’u mugisa makani?

• Icopo ninwang’u lembe ma romo konyi kakani tek imito nidok nitimo ka ma yeny utie lee i ie?

I THIER MWU MI JURUOT MACEN, WUWEC IWI PENJI M’ULUBO E:

• Wacopo medo tic mwa mi rweyo lembanyong’a nenedi i ot mwa? (km-F 8/11 mba. 4-6)

• Kan ecopere ngo iwa nidok nitimo ka ma yeny utie lee i ie, wacopo konyo cokiri mwa i yo makani? (w16.03-F mba. 23-25)