Keth cwiny ng’atu m’ukwio i tipo

Wang’ mapol, umego ku nyimego dupa ma gikwio i tipo gibed gibino i Poi pi tho pa Yesu. Gin bende gikegicaku niringo i kwaya mi nwang’u kwo, enke gikwio pi thelembe ma tung’ tung’, ma thelembene moko jukoro pigi i nyathibuku Reviens à Jéhovah (Dwog ibang’ Yehova). (Eb 12:1) Ento, umego ku nyimego maeno ma gikwio i tipo pigi tie tek asu i Yehova, kum eng’iewogi ku rimb Wode. (Tic 20:28; 1Pe 1:18, 19) Waromo konyogi nenedi kara gidwog i cokiri?

Judong cokiri gitimo kero nisayu man nikonyo umego ku nyimego maeno ma gikwio i tipo, tap calu ma jakwac sayu ko kud amora urombo m’urwinyo man edwoge i kind wagi. (Lk 15:4-7) Lembe maeno nyutho kite ma Yehova ubedieng’ ko piwa ku mer. (Yr 23:3, 4) Etie kende kende ngo judong cokiri, enke ng’atuman m’ikindwa copo nikonyo Jukristu maeno ma gikwio i tipo. Ka wabeii ninyutho igi bero man nikethara kakagi, wabinyayu mutoro i Yehova man wabinwang’u mugisa lee mandha. (Rie 19:17; Tic 20:35) Dong’ kepar nia ng’a dhe m’icopo niketho cwinye, man keth cwinygi m’umbe galu!

NEN VIDEO MA THIWIE TIE ENCOURAGER LES INACTIFS, MAN ING’EYE, DWOK WANG’ PENJI M’ULUBO E

• Nyamego Abbey utuc nitimo ang’o kinde m’erombo ku Jamulembe moko ma ging’eiri kude ngo?

• Kinde ma wabemito nikonyo ng’atu moko m’ukwio i tipo, pirang’o ukwayere nia walar wanyuthi ni judong cokiri?

• Nyamego Abbey uyikere nenedi nidok liewo Laura i ng’eye?

• Nyamego Abbey unyutho nenedi cirolembe, mer, man miiri m’umbe olo kinde m’ebino konyo Laura?

• Lapor pa Yesu ma nwang’ere i Luka 15:8-10, romo ponjowa ku lembang’o?

• Kero ma nyamego Abbey ku judong cokiri gitimo karacelo pi nikonyo Laura umio matoke maber makani?