KWO MI JUKRISTU
Kwo pi nimio pak ni Yehova!
Kwo tie giramia ma pire tek. Kite ma watio ko ku giramia maeno ku bang’ceng’ nyutho ka nyo wanene ni gin ma pire tek kunoke ngo. Wan ma watie Jumulembe pa Yehova, waii nitio ku bodho man copo mwa pi nipaku man niyungo Yehova ma tie Jamii Kwo. (Zb 36:9; Ny 4:11) Re adieng’a mi kwo ma kubang’ rupiny m’i ng’om maeni marac copo nicwaluwa niketho lembe mi tipo i kabedo mir ario. (Mk 4:18, 19) Eber nia ng’atuman m’ikindwa upenjere kumae: ‘Nyo abed amio piny para ma pire tek akeca ni Yehova? (Hs 14:2) Tic para mi kum utie ku matoke makani iwi tic m’atimo ni Yehova? Atie ku lembakeca makani i thenge mi tipo? Acopo medo amora i tic para mi lembanyong’a nenedi?’ Kan ineno nia kaka moko utie m’ukwayu itim ie alokaloka, kwai Yehova ukonyi man tim kero pi nitimo alokalokane. M’umbe jiji, nipaku Yehova kubang’ ceng’ ketho wakwo ku kwiocwiny man mutoro.—Zb 61:8.
Ibetio ku bodho peri ni ng’a?
NEN VIDEO MA THIWIE TIE, TII KU BODHO PERI PI NITIMO NI YEHOVA, MAN ING’EYE DWOK WANG’ PENJI M’ULUBO E:
Pirang’o etie lembe mi rieko ngo nimio bodho peri ni ng’om pa Sitani? (1Yh 2:17)
Dhanu ma gibed gimio piny migi ma pigi tek akeca ni Yehova ginwang’u mugisa makani?
I tic makani maleng’ m’icopo miiri ie ku bero cwinyi pi nitio ku bodho peri?