“Yung wuru ku meru”

Saa ma Yesu ubino iwi ng’om, eketho peko iwi cik ma e: “Yung wuru ku meru.” (Ai 20:12; Mt 15:4) Yesu uweco iwi cik maeno yot yot pilembe en bende ‘ebed eworo’ junyodo pare kinde m’ebino nyanok. (Lk 2:51) Kinde m’eteng’ini bende, etimo kero kara i ng’ei tho pare, jugwok min ma ber.​—Yh 19:26, 27.

Tin bende, awiya ma gitie Jukristu giyungo junyodo migi nwang’u gibeworogi i wec man i timo. I andha, cik maeno ubekwayu ngo nia wawor junyodo mwa nitundo i oro moko kende. Kadok i ng’ei ma gitii, wacikara niyungogi asu nwang’u wabenwang’u rieko i bang’gi. (Rie 23:22) Wanyutho bende woro ni junyodo mwa ma gitii nwang’u wabedieng’ pi yeny migi mi sente, man wanyayu ngo can i igi. (1Tm 5:8) Kadok watie awiya ma thindho kunoke wang’wa teng’ini, ka wabemedara niweco ma ber ku junyodo mwa, wabitundo niyungogi ma ber.

NEN VIDEO MA JUKUBO CAL M’I IE AKUBA MA THIWIE TIE AROMO WECO NENEDI KU JUNYODO PARA? MAN I NG’EYE DWOK WANG’ PENJI MA E:

• Pirang’o saa moko eromo bedo iri tek niweco ku junyodo peri?

• Kan ibeweco ku junyodo peri, icopo nyutho nenedi nia ibeyungogi?

  

• Pirang’o pire tie tek nia itim kero niweco ku junyodo peri? (Rie 15:22)