Wamed bodho mwa i tic mi rweyo lembanyong’a​—Tii cuu ku penji

PIRANG’O PIRE TIE TEK NITIMO KUMENO: “Lembapora [kunoke paru] ma i adunde dhanu en e calu pi ma thuth;” penji ke tie calu ndoi ma juromo tio ko pi niwodho parune. (Rie 20:5) Penji konyowa kara waketh juwinj mwa de gidikiri i wec. Wang’ ma pol, ka wang’io penji cuu, dwokowang’ ma jawinj mwa bimio, bikonyowa ning’eyo ma ber paru pare. Yesu ubed utio cuu mandha ku penji. Waromo lubo lapor pare nenedi?

KITE MA JUROMO TIMO KO:

• Penj penji ma biketho ng’atini umii paru pare. Yesu upenjo julub pare ku penji ma tung’ tung’ pi ning’eyo paru migi. (Mt 16:13-16; be-F mba. 238 udu. 3-5) Icopo penjo jawinj peri ku penji ma kani pi dhwolo paru pare?

• Penj penji ma bikonyo ng’atini unwang’ dwokowang’ m’atira. Pi nitiro paru pa Petro, Yesu upenje ku penji moko, man emio ire bende dwokowang’ penjine pi nikonye kara enwang’ dwokowang’ne m’atira. (Mt 17:24-26) Icopo penjo jawinj peri ku penji ma kani pi nikonye etund ninwang’u dwokowang’ m’atira?

• Foy jawinj peri. Yo ng’ei ma jagorcik moko ‘udwoko lembe ku rieko,’ Yesu ufoye. (Mk 12:34) Icopo foyo jawinj peri nenedi pi dwokowang’ penji m’emio?

NEN THENGE MI KWONG’O MI VIDEO MA THIWIE TIE WATIM TIC MA YESU UTIMO​—WAPONJI, MAN I NG’EYE DWOK WANG’ PENJI M’ULUBO E:

• Jarwei ukoro lembe ma tap; re pirang’o wacopo yero nia eponjo raci?

• Pirang’o wacikara ngo nijik kende kende nikoro lembe akora?

NEN THENGE MIR ARIO MI VIDEONE, MAN I NG’EYE DWOK WANG’ PENJI M’ULUBO E:

• Kawoni jarwei utio nenedi cuu ku penji?

• Lembang’o mange ma waromo lubo i kite m’eponjo ko?