KWO MI JUKRISTU

Watii cuu ku jamtic ma tung’ tung’ ma watie ko mi ponjo dhanu

Umego moko ubetio ku Biblia man nyathibuku moko pi nirweyo ni ng’atu moko ma co

Niketho dhanu dok julub utie ve nigomo ot. Pi nigome cuu, wacikara ning’eyo kite mi tio ma ber ku jamtic ma tung’ tung’. Pieno, ubekwayu wamed bodho mwa asagane i ayi mi tio ku Biblia, ma tie jamtic mwa ma kwong’a. (2Tm 2:15) Ubekwayu bende watii cuu mandha ku girasoma mange man video ma tung’ tung’ ma watie ko mi ponjo dhanu, ma nwang’u watie ke ku lembakeca mi ketho dhanu dok julub.a

Iromo medo bodho peri nenedi mi tio ku jamtic ma tung’ tung’ ma watie ko mi ponjo dhanu? (1) Penj kony i bang’ umego ma neno wi tic mi lembanyong’a i ungu m’ini ie, (2) rwei karacelo ku jurwei kunoke juyab yo moko ma gitie ku bodho, man (3) mediri nitio ku jamtic maeno kendo kendo. Kan ibemedo bodho peri mi tio ku jamtic man video ma watie ko mi ponjo dhanu, ibinwang’u anyong’a i tic m’ubetimere tin ma juporo ku tic mi gomo ot.

GAZETI