“Gin ma Mungu ribo karacelo . . .”

Con i the Cik pa Musa, ka nico moko ubemito lalu gamiri pare, ecikere nikiewo waraga mi riem. Lembuno ubed ucero dhanu nilalu gamiri migi nya vur vur. Ento i rundi pa Yesu, judong dini giketho lalu gamiri udoko yot magwei. Cogmon ubed uriemo mon migi pi thelembe moko ci. (“waraga mi riem” nyathi korolembe iwi Mk 10:4, nwtsty; “uriemo dhaku pare,” “egiere kude” nyithi korolembe iwi Mk 10:11, nwtsty) Yesu unyutho kamaleng’ nia Yehova re m’ucaku the gamiri. (Mk 10:2-12) Nico ku dhaku gicikiri nidoko “kum acel,” ke pi nja. Ento, thelembe acel kende ma Giragora uyio ma jucopo lalu ko gamiri, nimakere bende ku wec ma Matayo ugoro, utie “tarwang’.”​—Mt 19:9.

Tin eni, paru mi dhanu ma pol iwi gamiri utie ngo calu pa Yesu, ento calu mi Jufarisayo. Ka peko moko uwok ci, dhanu mi ng’om maeni gilalu gamiri migi nya vur vur. Ento, Jukristu ma gigamiri gineno kwong’iri mi gamiri migi ni gin mi tuko ngo, man giii nitio ku cik mi Biblia pi ninyego ku peko ma gibekadhu kud i ie. I ng’ei neno video ma thiwie tie Mer man woro diko kind juruot, wudwok wang’ penji m’ulubo e:

• 

  Icopo tio nenedi ku Lembrieko 15:1 i gamiri peri, man pirang’o pire tie tek?

• Lembrieko 19:11 romo konyi nenedi pi niuro teliri?

• Ka gamiri peri dong’ udhingo lal, kakare niparu nia ‘Eni re alal gamne?’ icikiri nipenjiri ku penji ma kani?

• Nitio ku juk ma nwang’ere i Matayo 7:12 copo konyi nenedi kara ibed nico kunoke dhaku ma ber?