LONYO MA NWANG’ERE I LEMBE PA MUNGU | YOHANA 5-6
Ang’o m’ubecweli nilubo tok Yesu?
Kinde ma Yesu umio lapor ma julub ginyang’ ungo i ie, jumoko gikier, man giweko nilubo toke. Nwang’u nindo acel i wang’e, Yesu ular unyayu igi cam i ayi mir udu, man lembene unyutho kamaleng’ nia copo pare uai andha i bang’ Mungu. Pirang’o gikier ke? Copere nia gibino lubo tok Yesu kende kende kara epong’ yeny migi mi kum.
Ng’atuman m’i kindwa ucikere nipenjere kumae: ‘Pirang’o abelubo tok Yesu? Nyo abelubo toke asagane pi bero m’abenwang’u kawoni man m’abinwang’u i nindo m’ubino? Kunoke nyo abelubo toke pilembe amaru Yehova man abemito anyai anyong’a i ie?’
Pirang’o wacopo kier ka wabetimo ni Yehova asagane pilembe . . .
Wamaru nibedo karacelo ku dhanu pare?
Wabemito wakwo i Paradiso?