Tim kero isom somo pa Mungu

PIRANG’O PIRE TEK: Yehova tie Japonji Madit m’usagu zoo: ebemio iwa ponji ma ber akeca. Eponjowa kara wakwo kud anyong’a, man ekonyowa kara wabin wanwang’ mugisa ma yawe mbe i nindo m’ubino. Eponjowa ku lembuno zoo m’umbe cul! (Is 11:6-9; 30:20, 21; Ny 22:17) Wabenwang’u gin ceke ma watie ku yenyne pi nirweyo rwonglembe ma bodho kwo mi dhanu nikadhu kud i ponji ma Yehova ubemio iwa.​—2Ko 3:5.

KITE MA JUROMO TIMO KO:

• Bed ng’atu ma jwigere man ma mol.​—Zb 25:8, 9

• Jol kony ceke ma jubemio iri kara ituc ning’iyo ma ber, calu ve thengponji ma jumio itim i coko m’i kind yenga

• Nen kite m’icopo timo ko lee ni Yehova, man mak yub ma copo konyi pi nitimo lembene.​—Flp 3:13

• Miiri kara itund ninwang’u ponji dupa.​—Flp 3:8

NEN VIDEO MA THIWIE TIE PONJI PA YEHOVA LONYOJO I THENGE MI TIPO, MAN DWOK WANG’ PENJI M’ULUBO E:

• Peko ma kani m’umego ku nyimego givoyo kara gitund nisomo Somo mi jurwei Injili mi Ker?

• Ponji ma kani ma Somo mi jurwei Injili mi Ker mio ni ju m’ubesome?

• Cokiri ukonyo umego ku nyimego ma gisomo Somo maeno nenedi kaka ma juorogi i ie?

• Lembang’o m’ukwayere pi nisomo Somo mi jurwei Injili mi Ker? (kr-F mba. 189)

• Somo mange ma kani m’icopo somo i dilo pa Yehova?