Pak Yehova nwang’u itie jayab yo

Nyithindho mir Israel gibino ku thelembe ma dit mi paku Yehova. Ewodhogi kud i misiri man ebodhogi kud i cing’ udul mony pa Farao! (Ai 15:1, 2) Yehova ubemedere ninyutho bero ni dhanu pare. Wacopo dwoko ire foyofoc nenedi?​—Zb 116:12.

Yo acel utie nitimo calu jayab yo ma jakony kunoke jayab yo ma nja. Icopo rwo kara emi iri ava man kero mitimo calu jayab yo. (Flp 2:13) Jumapol gilar gicaku rweyo calu jayab yo ma jakony. Icopo ng’io nirweyo pi saa 30 kunoke 50 ikind dwi mir adek, dwi mir ang’wen man bende dwi ma jaliew ubin uliewo i ie cokiri mwu. I ng’ei m’idaru nwang’u mutoro i tic pa jayab yo ma jakony, saa moko icopo ng’io nitimo calu jayab yo ma nja. Kadok jumoko ma gitimo tic saa ceke kunoke jumoko ma gitie ku remokum moko de gidok gitimo calu juyab yo ma nja. (mwb16.07 mba. 8) Mumbe jiji, Yehova uromo ku tego ceke ma wabetimo pi nipake!​—1Ke 16:25.

NEN VIDEO MA THIWIE TIE NYIMEGO ADEK MI NG’OM MI MONGOLIE, MAN ING’EYE DWOK WANG’ PENJI M’ULUBO E:

• 

  Nyimego maeno ginyego ku peko ma kani pi nidoko juyab yo?

• 

  Ginwang’u mugisa ma kani?

• 

  Nitimo calu jayab yo umiyo igi kaka mange ma kani mi timo ni Yehova?

• 

  Lapor migi ubino kud adwogi ma kani iwi jumange?