Bed ku weng’i kara kud imew lemb ndra

Tin rwonglembe copo mew piopio ni dhanu milioni dupa, nikadhu kud i girasoma, radio, televizio man kud i Internet. Dhanu ma woro “Mungu mi lemandha,” gimito ngo gimew lembe mi vupo, kadok akakaka ngo de. (Zb 31:5; Ai 23:1) Vupo ma jucwayu copo nyayu peko ma lee. Pi ning’eyo nia lembe ma wawinjo utie lembe mandha, ukwayu wakepenjara kumae:

• ‘Nyo ng’atu m’awinjo lembe eni i bang’e, ebed eyero lembe mandha?’ Saa moko nyo ng’atu m’uyero iri lembene de ung’eyo lembene cuu ngo. Ka ng’atu moko ukoro lembe ni wadi, wadine copo dok koro lembene taptap ungo ni jumange. Pieno, bed ku weng’i kan ing’eyo ngo ka ma lembene ai i ie. Calu m’ung’eyere nia dhanu ma gitie ku rwom i cokiri gibed gimio rwonglembe ma tap, pieno, mito gibed ku wang’gi i kum mewo rwonglembe ma ginyang’ i ie cuu ngo

• ‘Nyo eni tie ngo yero nying’i?’ Ka lembe m’ibeciyerone copo cido nying’ ng’atu moko kunoke udul dhanu moko, ecibedo ber nia kud iyer lembene.​—Rie 18:8; Flp 4:8

• ‘Nyo etie lemandha?’ Bed ku weng’i ka jubeweco ku nying’ ng’atu moko rac i vuti

NEN VIDEO MA THIWIE TIE, ACOPO CERARA NENEDI I KUM YERO NYING’? MAN I NG’EYE, DWOK WANG’ PENJI M’ULUBO E:

• 

  Nimakere ku Lembrieko 12:18, wec copo timo lembang’o ma rac?

• 

  Jufilipi 2:4 ubekonyowa nenedi ning’io cuu i wec ma wabeyero iwi jumange?

• 

  Wacopo timo ang’o ka wec ma wabeweco pi ng’atu moko, ucakubedoko ni wec ma cuu ngo?

• 

  I wang’ nicaku weco ku nying’ ng’atu moko, mito wakewapenjara ku penji ma kani?