Kampany ma segi mi rweyo pi Ker pa Mungu i dwi mir 11

Yesu urweyo “lembanyong’a mi Ker pa Mungu.” (Lk 4:43) Bende, eponjo dhanu nia gikwai Kerne. (Mt 6:9, 10) I dwi mir 11, wabitimo tego ma lee mandha nirweyo pi Ker pa Mungu. (Mt 24:14) Pang program peri cuu kara idikiri lee i kampany maeno. Ju ma gibetimo tic pa jayab yo ma jakony i dwi maeno, gicopo ng’io nitimo saa 30 kunoke 50.

Tim kero nisomo giragora m’uweco iwi Ker pa Mungu ni dhanu dupa mi teritwar mwu. Kinde m’ibeng’io giragora m’ibisomo, par bende pi dini mi juwinj peri. Tekene jawinj unyutho nen ma ber i rombo ma kwong’a, mii ire Otkur ma Wiw ma pi dhanu ceke, No. 2 2020. I ng’eye, kud igal nidok liewe, man cak kude ponji mi Biblia, ku girasoma moko ma nwang’ere i Sanduku mwa mi jamtic mi ponjo Biblia ku dhanu. Ceng’ini eni, Ker pa Mungu birungo bimobim ceke m’ubejai i kume. (Dn 2:44; 1Ko 15:24, 25) Pieno, dong’ wamiyara lee i kampany maeno ma segi, pi ninyutho nia wamoko kikiki i kum Yehova man i kum Ker pare!