Gwok gamiri peri

Yehova neno kwong’iri mi gamiri ni gin ma pire tek. Ewacu nia nico ku dhaku, ng’atuman ucikere nimoko i kum wadi. (Mt 19:5, 6) I kind jurutic pa Mungu, junwang’u dhanu dupa ma gibenyutho lapor ma ber i gamiri migi. Gamiri tie gin m’udiko dhanu ario ma gileng’ ungo. Pieno, peko copo wok i kindgi. Ukwayu ngo wabed ku nen ma dhanu dupa tie ko, ma nia pokiri kunoke lalugam copo daru peko m’uwok i gamiri. Dong’ Jakristu copo tim’ang’o pi nigwoko gamiri pare?

I copo timo lembe abic ma pigi tek.

1. Gwok adundeni i kum nyekini i kum ng’atu ma tie ngo jadhogi mi gamiri, man koc i kum galuwang’ mi lembsasa mi tarwang’. Lembuno copo nyotho gamiri mwu.​—Mt 5:28; 2Pe 2:14.

2. Dwok winjiri peri ku Mungu udok tek, man med ava peri mi nyayu anyong’a i ie i gamiri mwu.​—Zb 97:10.

3. Mediri nironyo kite ma nyen, man bed itim kadok nyithi lembe ma thindho thindho ma copo ketho jadhogi mi gamiri winjere ma ber. ​—Kl 3:8-10, 12-14.

4. Wubed wuwec i kindwu ma ber ku woro.​—Kl 4:6.

5. Wutim ribiri ku jadhogi mi gamiri ku mer. ​—1Ko 7:3, 4; 10:24.

Ka Jakristu ubeketho gamiri pare ubed ku yung, eca nwang’u ebemio yung ni Yehova ma jacak the gamiri.

NEN VIDEO MA THIWIE TIE WACIKARA NIRINGO KU CIROCIR​—WOR CIK MI RINGO KWAYA, MAN I NG’EYE, DWOK WANG’ PENJI M’ULUBO E:

• 

  Gamiri copo caku maber, re peko ma kani ma copo wok i ng’eye?

• 

  Cik mir ukungu mi Biblia copo konyo juma ginwang’u nia mer umbe i gamiri migi nenedi?

• 

  Yehova umio cik ma kani pi gamiri?

• Kara gamiri ubed ma ber ukwayu nico ku dhaku ceke gitim ang’o?