Coko ma dongo mir adhura mio iwa kaka mi nyutho mer

Pirang’o coko mwa ma dongo mir adhura ma wabed watimo ku bang’ oro, benyayu anyong’a lee i iwa? Calu ma nyithindho mir Israel gibed gitimo con, tin bende coko mwa ma dongo mir adhura mio iwa kaka mi timo thier ni Yehova karacelo kud umego ku nyimego i wel ma tundo dak kunoke elufu swa. Wamaru ponji ceke ma wanwang’u i cokone, ma konyowa nicoro ceng’ini ku Yehova. Waneno bende saa ma wabedo ko karacelo ku jurimbwa man wedi mwa i cokone ni gin ma pire tek. Lembuno ketho wamito wadikara i cokone pi nindo adek ceke.

Ka wanwang’u kaka mi dikara karacelo, mito ngo wapar kende kende pi bero ma wabinwang’u, ento wapar bende pi kite ma waromo nyutho ko mer ni jumange. (Ga 6:10; Eb 10:24, 25) Ka wabecero ngo kakadhu ni umego ku nyimego, kunoke ka wabekoyo kende kende kabedo ma watie ku yenyne, eno nyutho nia wabedieng’ pi yeny mi jumange bende. (Flp 2:3, 4) Coko mir adhura mio iwa kaka ma ber mi nwang’u jurimo ma nyen. I wang’ program, i saa mi yom man i ng’eye, wacopo ketho lembakeca mi ng’eyo dhanu ma fodi wang’eyara kugi ngo. (2Ko 6:13) Mer ma watheyo saa maeno copo bedo pi nindo ceke mi kwo mwa! M’usagu zoo, jumange ma gibeneno mer mandha ma wabenyutho i kindwa, gicopo maru gin bende gidikiri kudwa pi nitimo ni Yehova.​—Yh 13:35.

NEN VIDEO MA THIWIE TIE “MER JIK I YO KI NGO”! COKO MA DONGO MA DIKO NG’OM MA TUNG’ TUNG’, MAN I NG’EYE, DWOK WANG’ PENJI M’ULUBO E:

• 

  Umego mwa ginyutho mer nenedi ni umego ku nyimego mange ma gibino i coko ma dongo ma diko ng’om ma tung’ tung’, m’utimere i oro 2019?

• 

  Pirang’o bedo i acel man mer m’utie i kind dhanu pa Mungu utie lembe ma wang’u ijo?

• 

  Umego mi guriri m’utelowic, giketho nwoc akeca iwi kit mer ma nenedi?

• 

  Mer udiko kind umego mwa nenedi i ng’om mi Allemagne man i Korea ma yo piny?

• Wacikara nibedo ku lembakeca mi tim’ang’o?