Ponj ponji ku yaw yaw

Yaw yaw tugo ava mi winjowa man etelo nen mi juwinj mwa. Enyutho bende nia wabeneno lembe ma wabeyero ni gin ma pire tek. M’uweko nineno suru mwa kunoke kura ma wadongo ko, asu wacopo bedo ku yaw yaw. (Rm 12:11) Wacopo timo nenedi?

Mi kwong’o, ng’ei nia lembe m’ibeyero pire tie tek lee. Ng’ei bende nia itie ku rwom mi “yero lembanyong’a . . . mi gin ma ber!” (Rm 10:15) Mir ario, par pi adwogi man bero ma lembanyong’a m’ibeyero copo mio ni juwinj peri. Gitie ku yeny mi winjo lembe m’ibeyero. (Rm 10:13, 14) Tii ku jeste m’ukwayere, man ayi mi weng’i unyuth kamaleng’ nia in de iyio andhandha gin m’ibeponjo.

NEN VIDEO MA THIWIE TIE MED BODHO PERI KARA INWANG’ ANYONG’A LEE I TIC MI KETHO DHANU DOK JULUB​—PONJ PONJI KU YAW YAW MAN I NG’EYE, DWOK WANG’ PENJI M’ULUBO E:

• 

  Ang’o m’udaru yaw yaw pa Neeta pi ponji migi mi Biblia giku Jade?

• 

  Ang’o m’udok ukonyo Neeta ninwang’u yaw yaw kendo?

• 

  Pirang’o pire tie tek niketho wiwa i kum kite ma beco mi juwinj mwa?

• Matoke ma kani ma yaw yaw mwa copo bedo ko iwi ju ma waponjo kugi Biblia man dhanu mange?