Mediri ninyutho mer ni juruot peri

Mer tie udok ma diko kind juruot karacelo. M’umbe mer, ecopo bedo tek ni juruot nibedo i acel man niwinjiri i kindgi. Weg udi ku meg udi man junyodo gicopo nyutho mer nenedi i udi migi?

Won ot ma ber dieng’ pi yeny pa min ot pare, paru pare, man kite m’ewinjere ko. (Ef 5:28, 29) Epong’o yeny mi kum ku mi tipo mi juruot pare, uketh’i ie timo thier mi juruot ku bang’ nindone. (1Tm 5:8) Min ot ma ber jwigere ni won ot pare man enyutho ire “woro ma thuc.” (Ef 5:22, 33 NWT; 1Pe 3:1-6) Ng’atuman m’ikindgi ucikere nibedo ayika nitimo kisa ni wadi yot yot. (Ef 4:32) Junyodo ma ber gidieng’ pi nyathinman acel acel man giponjogi nimaru Yehova. (Pc 6:6, 7; Ef 6:4) Gipenjiri ka nyo peko ma kani m’awiya migi ubenwang’iri ko i kalasi? Ka nyo gibenyego nenedi i dhu masendi mi juwagi? Ka mer utie i kind juruot, gin ceke gibiwinjiri ma ber man museme.

NEN VIDEO MA THIWIE TIE MEDIRI NINYUTHO MER NI JURUOT PERI, MAN I NG’EYE, DWOK WANG’ PENJI M’ULUBO E:

• 

  Won ot ma ber gwoko man maru min ot pare nenedi?

• 

  Min ot ma ber nyutho woro ma thuc ni won ot pare nenedi?

• 

  Junyodo ma ber royo lembe pa Mungu iwi awiya migi nenedi?