Bed ikethiri kaka jumange

Nikethiri kaka ng’atini utie ninyang’ i paru pare, i kite m’ebewinjere ko, nineno nia pire tie tek man ning’eyo yeny pare. Ng’atini copo ng’eyo nia wabekethara kakare kinde ma wabemito nikonye. Eno bikonyo wan bende ning’eyo nia wabekethara kakagi. Ka wabekethara kaka dhanu i tic mi lembanyong’a, eno nwang’u wabenyutho kit mer pa Yehova man kite m’edieng’ ko ku dhanu; e lembuno bitelo dhanu i bang’e.​—Flp 2:4.

Nikethiri kaka ng’atini tie ngo lembe ma kwayu bodho ma hai, ento etie lembe ma nen i kite ma wabewinjo ko ng’atune, i kite ma wabeweco ko kude, i timo mwa, i jeste mwa, man bende i kite m’ayi wang’wa ubenen ko. Wanyutho nia wabekethara kaka ng’atini nwang’u wabedieng‘ kude, nwang’u bende wabeketho wiwa i kum lembe ma ketho ewinjere ma ber, i kum yioyic pare man lembe m’ebekadhu kud i ie. Wanyutho ire lembe m’ukwayu etii ko man wakonye m’umbe nidiye adiya nia etim alokaloka. Ka dhanu ma warweyo igi lembanyong’a gijolo ponji mwa, eno ketho wabedo kud anyong’a lee.

NEN VIDEO MA THIWIE TIE MED BODHO PERI KARA INWANG’ ANYONG’A LEE I TIC MI KETHO DHANU DOK JULUB​—BED IKETHIRI KAKA JUMANGE, MAN I NG’EYE DWOK WANG’ PENJI M’ULUBO E:

• 

  Neeta ukethere kaka Jade nenedi kinde ma Jade utundo kpe?

• 

  Neeta ukethere kaka Jade nenedi kinde ma Jade ucaku mindere i kum ponji?

• 

  Neeta ukethere kaka Jade nenedi kinde ma Jade uyero nia ecoko dhu piny cu ngo i ot?