MIIRI ZOO I TIC MI RWEYO LEMBANYONG’A | MED ANYONG’A PERI I TIC MI RWEYO LEMBANYONG’A
Tii ku jamtic mwa mi timo sayusac
Yehova umiyo iwa jamtic ma tung’ tung’ kara waponj ponji ku bodho. Jamticne tie video, trakt, Otkur ma Wiw man Cew !, nyithibuku, buku man Biblia ma tie jamtic mwa ma pire tek musagu zoo. (2Tm 3:16) Emiyo iwa bende jamtic mi timo sayusac ma copo konyowa nikoro i giragora mi Biblia. Jamticne tie Watchtower Library, application JW Library®, BIBLIOTHÈQUE EN LIGNE™, man Guide de recherche pour les Témoins de Jéhovah.
Ibibedo kud anyong’a kinde m’ibegolo lonyo mi tipo kud i udul jamtic ma cande mbe ma jumiyo iri. Nyuth kite ma ju copo tiyo ko ku jamtic maeno ma tung’ tung’ ni dhanu m’iponjo kugi Biblia. Gin bende gibibedo kud anyong’a ninwang’u gin gigi dwoko wang’ penji migi m’ujengere iwi Biblia.
NEN VIDEO MA THIWIYE TIE JOL KONY PA YEHOVA KARA INWANG’ ANYONG’A I TIC MI KETHO DHANU DOK JULUB—JAMTIC MI TIMO SAYUSAC, MAN I NG’EYE DWOK WANG’ PENJI M’ULUBO E:
Jade ukelo jai ma kani iwi lembe m’uneno cwic?
Neeta unwang’u dwoko wang’ lembe kani i kum paru maeno?
Ninwang’u lonyo mi tipo man niweco i wiye ku dhanu mange miyo iwa anyong’a
Etimo nenedi pi ninwang’u lembe ma beco ma copo konyo Jade?
Tiyo ku jamtic mwa mi timo sayusac ubedo ku matoke ma kani iwi Neeta?