Nyimego copo diko cinggi nenedi?

Nyimego bediko cinggi lee mandha i tic mi Ker. (Zb 68:11) Gibetelo wi ponji mi Biblia dupa. I kind juyab yo ma nja, ma pol utie nyimego. Ju ma dupa m’i kindgi ubetimo tic i bethel, jumoko gibetimo calu misioner, jumoko gikonyo tic mi giedo pi nindo moko, jumange ke gitimo tije nja, jumange lundo loko dhok. Nyimego ma riek giero udi migi man bende cokiri. (Rie 14:1) Kadok nwang’u nyimego giromo doko ngo judong cokiri kunoke jukony tic de, re gicopo bedo ku lembakeca i cokiri. Kan itie nyamego, icopo timo lembe moko ma kani pi nidiko cingi?

• Ceg kite ma tung’ tung’ mi tipo. ​—1Tm 3:11; 1Pe 3:3-6

• Kony nyimego m’i cokiri ma gimbe ku bodho akeca.​—Tt 2:3-5

• Med bodho peri mi rweyo, man med bende tic peri mi lembanyong’a

• Ponj dhok ma nyen

• Cidh i kony tic kaka ma yeny utie lee i iye

• Pong’ karatasi mi timo tic i bethel kunoke mi dikiri i giedo mi udi ma tung’ tung’ mi dilo

• Pong’ karatasi mi somo somo mi jurwey injili mi Ker

NEN VIDEO MA THIWIYE TIE “JU MA MON M’UBETIMO TIC DUPA I RWOTH,” MAN DWOK WANG’ PENJI MA E:

• Lembe ma ng’atuman acel acel m’i kind nyimego maeno ukoro umiyo amora i kumi nenedi?