Kony ju m’iponjo kugi Biblia kara giceriri i kum timo ma reco

Dhanu ma gitie ku kukura ma leng’ kende re ma gicopo nwang’u mutoro mi bedo ku winjiri ma ceng’ini ku Yehova. (1Pe 1:14-16) Ka ju m’uponjo Biblia ubenyego i kum timo migi ma reco, eno copo ketho ginwang’u bende bero i udi migi, i leng’kum migi, man gicopo nwang’u bero i kum jamcing’gi.

Kor igi terere mandha cik ma Yehova umiyo iwi kurajo, nyuyth igi thelembe m’uketho emiyo cikne man bero ma jucopo nwang’u ka jubelubo cikne. Keth wi zoo i kum ayi m’icopo konyo ko ju m’iponjo kugi Biblia kara gilok kite migi mi paru lembe; eno biketho gibibedo ayika nitimo gin ma Yehova ubemito. (Ef 4:22-24) Tiel cwinygi nia ku kony pa Yehova gicopo voyo timo migi ma reco kadok nwang’u gicaku time niai con. (Flp 4:13) Ponjgi nia gibed gikway Yehova kinde ma gibenwang’iri i wang’ abidhe mi timo dubo. Konygi ging’ey ning’iyo man niuro gin ma romo royogi i abidhe. Mii amora i kumgi nia giwil timo migi ma reco ku timo lembe mange ma beco. Anyong’a binegi lee kinde m’ibeneno kite ma ju m’iponjo kugi Biblia gibetuc nitimo alokaloka ku kony pa Yehova.

NEN VIDEO MA THIWIYE TIE KONY JU M’IPONJO KUGI BIBLIA KARA GICERIRI I KUM TIMO MA RECO, MAN I NG’EYE DWOK WANG’ PENJI M’ULUBO E:

• 

  Nyo lembe uton i judong cokiri kunoke i Neeta kinde ma ginyang’ i kum timo ma rac pa Jade?

• 

  Neeta utimo ang’o pi nikonyo Jade?

• 

  Jade usayu kony i bang’ Yehova nenedi?