Peko ceke utie kud ajikine

Peko romo turo cwinywa yot yot, asagane kan ebemedere i wang’e. Daudi ung’eyo nia peko m’ubimo Saul ubenyayu i kume bitundo kokoro i ajikine man nia ebidoko ubimo calu ma Yehova ung’olo. (1Sm 16:13) Yiyoyic pa Daudi ukonye niciro man nikuro Yehova re m’udar peko pare.

Kinde ma wabenwang’ara ku peko, wacopo tiyo ku bodho mwa, ng’eyong’ec mwa man copo mwa mi nyamu i lembe pi niyiko lembe ma wabenwang’ara i iye. (1Sm 21:12-14; Rie 1:4) Ento, pekone moko medere asu kadok i ng’ey ma watimo lembe ceke ma wacopo nimakere ku cik mir ukungu mi Biblia. I lembe ma kumeno, wacikara ninyutho cirocir man nikuro Yehova. Ceng’ini eni, Yehova bikabu peko ceke ma wabenwang’ara ko man “ebiweyo piwang’ pet” kud i wang’wa. (Ny 21:4) Kadok nwang’u gony mwa utundo nikum kony moko ma Yehova umiyo en kunoke etundo i ayi moko mange de, re lembe ma e utie lembe mandha: Peko ceke utie kud ajikine. Lembe maeni romo juko cwinywa.

NEN VIDEO MA THIWIYE TIE DHANU MA GIBEKWO I ACEL I NG’OM M’UPOKERE, MAN I NG’EYE DWOK WANG’ PENJI M’ULUBO E:

• Jukristu moko mi ng’om mir États-Unis ginwang’iri ku peko ma kani?

• Ginyutho cirocir man mer nenedi?

• Gimediri nenedi niketho wigi i kum “lembe ma pigi tek nisagu”?​—Flp 1:10