Tim tic pa jayab yo

Ka wabeketho lembakeca mi timo lee ni Yehova, eno nwang’u wabetiyo cuu ku kero mwa. (1Ko 9:26) Calu ma wadhingo ajiki mi ng’om ma rac maeni, nibedo ku lembakeca mi tipo bikonyowa nitiyo ma ber ku dong’ saa mwa m’udong’. (Ef 5:15, 16) I saa mi thier mwu mi juruot, wucopo weco iwi lembakeca mi tipo ma wuromo maru wuketh pi oro ma nyen mi tic m’ubebino. Pi nikonyi, buku mi coko maeni utiye ku thiwiwec dupa m’uweco iwi lembakeca ma tung’ tung’ m’icopo ketho. Pieno, nyam i lembene man irwo pigi.​—Yk 1:5.

Ku lapor, nyo juruot mwu gicopo diko ngo cing’gi karacelo pi nikonyo ng’at’acel m’i kindwu udok jayab yo ma nja? Tek wutie ku jiji nia wubipong’o ngo wend saa m’ukwayere, wucopo weco ku juyab yo moko ma gibekadhu kud i lembe ma rom ku mwu. (Rie 15:22) Saa moko, wuromo lwong’o jayab yo moko man wupenje ku penji i saa mi thier mwu mi juruot. I ng’eye ke, wuromo pangu program i kite ma copo bedo ber iwu. Ka nwang’u ilar i timo tic pa jayab yo i wang’e, ke ng’ii ka nyo lembe m’ibenweng’iri i iye copo miyo iri kaka mi timo tije kendo tin.

Nyo jumoko m’i kind juruot mwu copo timo ngo tic pa jayab yo ma jakony pi dwi moko acel kunoke nikadhu? Ka tego peri tie nyanok, gin moko ma romo konyi nitimo tic pa jayab yo ma jakony ni e: Nja ku bang’ ceng’ bed i ii nitimo saa moko nyanok kokoro i tic mi rweyo lembanyong’a. Kan imbe ku saa akeca mi rweyo lembanyong’a i kind yenga pilembe tic peri mi kum umaku iri saa ma lee kunoke itie nyathin mi kalasi, icopo ng’iyo dwi moko ma yom n’i iye kunoke dwi m’utiye ku ceng’ soko abic i iye pi nitimo tic pa jayab yo. Wutii ku kalandrie pi nipangu program mwu mi dwi ma wung’iyo nitimo tic pa jayab yo ma jakony i iye.​—Rie 21:5.

NEN VIDEO MA THIWIYE TIE CWINYI BED TEK . . . JAYAB YO, MAN DWOK WANG’ PENJI M’ULUBO E:

• Lembe ma nyamego Aamand ukadhu kud i iye ubeponjowa ku lembang’o iwi gwok pa Yehova ma ku mer m’egwoko ko ju ceke ma giwodhiri pi nitimo tic pa jayab yo?