Nwang’ rieko ma copo telo wii i kwo peri ma kubang’ ceng’ i JW.ORG

Lembe pa Mungu miyo iwa gin ceke ma watiye ku yenyne pi ninyego ku peko ma tung’ tung’ mi kajik ceng’ maeni ma ciro tek. (2Tm 3:1, 16, 17) Re kadok kumeno de, saa moko waromo bedo ku yeny mi kony pi ninwang’u cik mir ukungu mi Biblia ma waromo tiyo ko i lembe ma tap ma wabenwang’ara i iye. Ku lapor, nyo itiye janyodo man ibesayu telowic pi nitungo awiya peri? Nyo itiye aradu man ibenyego ku lembe ma tung’ tung’ m’ubeketho yiyoyic peri i amulaic? Nyo itiye ku can pilembe jadhogi mi gamiri utho? Ibinwang’u jamtic ma tung’ tung’ i jw.org ma bitelo wii pi ninwang’u cik mir ukungu mi Biblia ma romo konyi i lembe maeno ku mange de dupa.​—Rie 2:3-6.

Yab mbaya mir acaki mi jw.org man idii wi thiwiwec m’uwacu LEMBE MA BIBLIA UBEPONJO. (Nen cal mi 1.) Kud i kind nyithi thiwiwec ma tung’ tung’ m’uwok, ng’ii lembe m’utelo nen peri. Kunoke dii thenge m’uwacu JAMTIC > ODI THIWIWEC MA TUNG’ TUNG’ man ng’ii lembe m’utelo nen peri. (Nen cal mir 2.) Iromo nwang’u bende thiwiwec ma rom eno i JW Library^®.a Saa moko nyo ibimaru nisomo thiwiwec ma tung’ tung’ kud i yo acel m’i kind ma junyutho eno. Yo mange utie nitiyo ku kaka ma jukiewo nia “Say” pi ninwang’u gin ma tap m’itiye ku yenyne i jw.org.

Kiew thiwiwec m’ulubo e kaka ma jukiewo nia “Say”, man ng’ii thiwiwec ma tung’ tung’ m’iromo maru isom.

• Nitungo awiya

• Kony ni aradu

• Ka watho, wacidho kani?