Paru moko ma romo konyi pi ponji

Mak “wer mi tipo” ku wii

“Kinde m’abenwang’u nia ve tija mbe, Yehova tielo cwinya ku wer mi Televizio JW.”—Lorraine, États-Unis.

Niai con de “wer mi tipo” bebedo theng thier ma Jukristu gitimo. (Kol. 3:16) Kan ing’eyo werne ku wii, eno copo konyi kadok kinde m’imbe ku buku mi wer kunoke ku jamtic mir elektronik pi niwerogi. Kepim nitimo lembe m’ulubo e kara werne umok i wii:

• Som wec mi werne kilili pi ninyang’ i thelembene. Tek inyang’ cuu i thelembe mi wecne, eno bikonyi nipoy i kume yot yot. Wec mi wer mwa ceke, uketho i iye wer ma segi man wer mir awiya, nwang’ere i jw.org. Pi ninwang’ugi, mond i thenge ma thiwiye tie Jamtic, man i Mizik.

• Kiew wec mi werne ku cingi. Nitimo kumeno biketho wecne bimoko i wii man ebibedo iri yot nipoy i kumgi.—Poi. 17:18.

• Rud wang’ werne ku dwendi ma tek. Som kunoke wer werne wang’ dupa dupa.

• Kepim nineno nia ibepoy. Keii nipoy i kum wec mi werne m’umbe nineno wi karatasi m’ikiewe i wiye, e i ng’eye woth neno ka nyo ebemoko.