Ju m’umaru Yehova gipong’o lembang’ola ma ku kwong’ ma gitimo

Som Jupoklembe 11:30-40 pi ninwang’u ponji i kpawa pa Yeftha giku nyaku pare iwi pong’o lembang’ola ma ku kwong’.

Ng’ii i lembe m’ugwaku kum kpawane. Juisrael m’umaru Yehova gibed gineno nenedi lembang’ola ma ku kwong’ ma gitimo ire? (Wel 30:2) Yeftha giku nyaku pare ginyutho nenedi nia gibino ku yiyoyic i Yehova?—Pok. 11:9-11, 19-24, 36.

Mond i thuc mi kpawane. Ubenen kamaleng’ nia Yeftha ubino paru ang’o kinde m’ebetimo lembang’ola ma ku kwong’ ni Mungu? (w16.04-F mba. 7 udu. 12) Yeftha giku nyaku pare gitwoniri kud ang’o pi nipong’o lembang’olane? (w16.04-F mba. 7-8 udu. 14-16) Tin Jukristu giromo timo kit lembang’ola ma ku kwong’ ma kani?—w17.04-F mba. 5-8 udu. 10-19.

Nen ponji m’icopo nwang’u. Pieno penjiri kumae:

• ‘Ang’o ma copo konya nipong’o lembang’ola mi thieriri para ni Mungu?’ (w20.03 mba. 13 udu. 20)

• ‘Acopo twonara kud ang’o pi nitimo ni Yehova lee nisagu?’

• ‘Ang’o ma copo konya niworo lembang’ola m’atimo ni jadhoga mi gamiri i saa mi nyom mwa?’ (Mat. 19:5, 6; Efe. 5:28-33)