Korolembe mi there

c Jururieko giyero nia dhanu maeno gitimo lembang’ola pa Janaziri. (Wel 6:1-21) I andha, Cik pa Musa m’i there jubed jutimo kit lembang’ola ma ku kwong’ ma kumeno nwang’u dong’ kare udaru kadhu. Re, copere nia Paulo unwang’u nia ecibedo rac ungo nia jumaco maeno gipong’ lembe ma ging’olo ku kwong’ ni Yehova. Pieno, ecibedo ire rac ungo niculo welpiny i wigi man nicidho karacelo kugi. Wang’eyo ngo tap tap nia ebino kit lembang’ola ma ku kwong’ ma nenedi, re kadok kumeno de, ecopere ngo nia Paulo uculo welpiny mi lam mi ley (calu ma Junaziri gibed gitimo), m’eparu ko nia ebilonyo dubo mi jumacone. Lam m’umbe dubo i iye ma Yesu uthiero udaru valer pa lam moko ci mi ripo kindjo. Kadok nwang’u Paulo utimo ang’o de, watie kud andha nia eyiyo ngo nitimo gin moko ci ma romo nyotho pidocwiny pare.