Zaburi
Wer pa Daudi kinde m’eberingo wode ma Absalom.
3 E Yehova, pirang’o jukwor para gidoko dupa akeca?
Pirang’o ju dupa giai i kuma?
2 Ju dupa gibeyero pira* kumae:
“Mungu bibodhe ngo.” (Sela)*
3 Ento in, E Yehova, in i ban m’utieka,
Dwong’ para man Ng’atu m’uting’o wiya malu.
4 Abiwak ma tek i bang’ Yehova,
Man ebidwoko ira lembe kud iwi got pare ma leng’. (Sela)
5 Abivuto man abinindo;
Man abiai malu museme,
Kum Yehova ubemedere nigwoka.
6 Lworo ubenega ngo i kum dhanu elufu
Ma girieyo i ng’eta kun ku kun.
7 Ai malu, E Yehova! Bodha, E Mungu para!
Kum ibigoyo ding judegi para ceke;
Ibituro lak jutimrac.
8 Both en e pa Yehova.
Mugisa peri n’i wi dhanu peri. (Sela)