Zaburi
Ni jatel wi wer; ma juwero ku dwal mi Mahalath.* Maskil* pa Daudi.
53 Jukusegu wacu i adundegi kumae:
“Yehova mbe.”
Gitimo lembe ma pwe ngo man ma judagu;
Ng’atu moko mbe m’ubetimo gin ma ber.
2 Ento Mungu neno wot dhanu niai kud i polo
Pi nineno ka nyo ng’atu moko nuti m’utie ku rieko,
Ka nyo ng’atu moko nuti m’ubeyenyo Yehova.
3 Gin ceke gilokiri cen;
Gin ceke ginyothiri.
Ng’atu moko mbe m’ubetimo gin ma ber,
Kadok ng’atu acel de.
4 Nyo jatimrac moko acel de mbe m’ubenyang’i?
Gibemvoro dhanu para ve gibecamu mukathi.
Gibekwayu ngo Yehova.
5 Ento ndiri ma dit bimakugi,
Kit ndiri ma fodi umakugi ngo i wang’e,*
Kum Mungu bilalu cogo ju ma gikelo lwiny i kumi.*
Ibinyayu lewic i wigi, kum Yehova uwenjogi.
6 Ah, dong’ both mir Israel uai kud i Sayuni!
Kinde ma Yehova udwogo dhanu pare kud i ng’eca,
Wek mutoro neg Yakobo, wek anyong’a neg Israel.