Zaburi
Wer p’Asaf.
82 Mungu bedo i cokiri pa Mungu;
Epoko lembe i kind cokiri mi mungu:*
2 “Wubimeduru nipoko lembe atira ngo
Man wubinyutho akoyakoya ni ng’atu ma rac nitundo awene? (Sela)
3 Wucer bang’* ng’atu ma ka kite mbe man nyathikic.*
Wupok lembe atira ni ng’atu ma jakony pare mbe man ma piny pare mbe.
4 Wubodh ng’atu ma ka kite mbe man jacan;
Wulargi kud i cing’ jutimrac.”
5 Ging’eyo ngo kadi gibenyang’ de ngo;
Gibewotho kun ku kun i mudho;
Kathere ceke mi ng’om ubeyengere.
6 “Ayero kumae: ‘Wutie mungu,*
Wun ceke wutie wot Ng’atu ma Malu ngbir.
7 Ento wubitho calu dhanu;
Man wubipodho calu jadit ma wijo!’”
8 Ai malu, E Mungu, man pok lembe mi ng’om,
Pilembe thek ceke tie peri.