Zaburi
93 Yehova udoko Ubimo!
Eronyere ku dwong’;
Yehova uronyere ku tego;
Ekende calu mukaba.
Ng’om* ucungo nging’ nging’;
Ecopo yengere ngo.
2 Komker peri ucungo ma tek niai con;
Niai rondo ku rondo, inuti.
3 E Yehova, kulo gicoriri,
Kulo gicoriri man giwoy;
Kulo gibemediri nicoriri ku woy ma dit.
4 Yehova dwong’ i kabedo ma malu,
Ma sagu woy mi pii dupa,
E tek ma sagu mujanga mi nam m’ubedhongo.
5 Poyowic peri ceke giromo nia jugengi.
E Yehova, leng’o uruko* ot peri pi rondo ku rondo.