Zaburi

Wumii pak, wu jutic pa Yehova,

Wupak nying’ Yehova.

 2 Dong’ jupak nying’ Yehova

Niai kawoni man rondo ku rondo.

 3 Niai kaka ma ceng’ wok kud i iye nitundo kaka ma ceng’ mwony i iye,

Dong’ jupak nying’ Yehova.

 4 Yehova ni malu iwi thek ceke;

Dwong’ pare n’i wi polo.

 5 Ng’a ma calu Yehova Mungu mwa,

Ma bedo* malu?

 6 Ekulo kore piny pi nineno polo man ng’om,

 7 Eting’o ng’atu ma ka kite mbe kud i utur.

Eting’o jacan kud iwi udhuru vuru*

 8 Kara eketh ebed ku weg yung,

Ku weg yung m’i kind dhanu pare.

 9 Emiyo ot ni dhaku ma jamugumba

Eketho edoko mego ma jamutoro i kind awiya pare.*