Zaburi
Wer mi idho.
121 Ating’o wang’a malu i bang’ gudi.
Kony para biai kani?
2 Kony para ai i bang’ Yehova,
Ma Ng’atu m’ucwiyo polo ku ng’om.
3 Ebiweko ngo nyanok de tiendi kier.
Rip rip bikadhu ngo nyanok de ku Ng’atu m’ubekuro wii.
4 Nen! rip rip bikadhu ngo nyanok de ku Ng’atu m’ubekuro wi Israel,
Kadi ebinindo de ngo.
5 Yehova ubekuro wii.
Yehova tie jagwokni* yor i cingi mir acwic.
6 Ceng’ bigoyi ngo ku dieceng’
Kadi dwi ku diewor.
7 Yehova bigwoki i kum peko ceke.
Ebigwoko kwo* peri.
8 Yehova bigwoki i lembe ceke m’ibetimo*
Niai kawoni man rondo ku rondo.