Zaburi

 2 Waliero adungu mwa

I kor mbegu m’i iye.*

 3 Kum kuca ju ma gimakuwa gikwayu wawer igi wer,

Ju ma gicayuwa gimito wasemb igi lembe, giwacu kumae:

 4 Wacopo wero wer pa Yehova

I ng’om mi juwirok nenedi?

 5 Tekene wiya uwil i kumi, E Yeruzalem,

Dong’ cinga mir acwic ukos copo mi timo gin moko ci.*

 6 Dong’ leba umok i danda

Kan apoy ungo piri,

Kan aketho ngo Yeruzalem malu

Iwi thelembe ma dongo ma nyayu mutoro i iya.

 7 E Yehova, poy i kum

Lembe ma Juedom giyero i nindo ma Yeruzalem upodho i iye kumae:

 8 E Nyababeli, in ma jubinyothi ceng’ini eni,

Jamutoro tie ng’atu ma biculo iri

Nimakere ku gin m’itimo i kumwa.

 9 Jamutoro tie ng’atu ma bimaku awiya peri

Man ebirwadugi iwi cana.