Zaburi

Maskil.* Pa Daudi kinde m’ebino i odicana. Rwo.

142 Akwayu Yehova ku dwanda nia ekonya;

Awak i bang’ Yehova ku dwanda nia etim ira bero.

2 Abekonjo adieng’a para i wang’e;

Abekoro can para ire

3 Kinde ma tipona* uvoc i iya.

I ng’eye ineno yo para.

Giciko uwic

I yo m’awotho i iye.

4 Nen yor i cinga mir acwic man nen

Nia ng’atu moko acel de mbe m’ubedieng’ pira.*

Kaka moko mbe m’acopo ringo i iye;

Ng’atu moko acel de mbe ma cwinye ubepido pira.*

5 E Yehova, abekwayu kony i beng’i.

Awacu kumae: “In i kapondo para,

Makapiny para i ng’om mi ju ma kwo.”

6 Cik ithi pi niwinjo wak para m’akwayu ko kony,

Kum adaru voc.

Lara kud i cing’ ju ma gibenyayu ragedo i kuma,

Pilembe gitek nisaga.

7 Wodha* kud i kol

Kara apak nyingi.

Dong’ weg bedopwe gicokiri i ng’eta

Pilembe itimo ira ku bero.