Zaburi
Ni jatel wi wer. Wer pa Daudi.
20 Wek Yehova udwok iri lembe i nindo mi can.
Wek nying’ Mungu pa Yakobo ugwoki.
2 Wek eor iri kony kud i kabedo ma leng’
Man etieli niai kud i Sayuni.
3 Wek epoy pi giramiya m’athiera peri ceke;
Wek ejol lam m’awang’a peri ku bero.* (Sela)
4 Wek emii iri gin m’adundeni yenyo
Man eketh lembe ceke m’ipangu* ubed miero.
5 Wabikok ku mutoro pi tic mi both peri;
Wabiting’o bendela mwa malu i nying’ Mungu mwa.
Wek Yehova umii iri gin ceke m’ikwayu.
6 Kawoni ang’eyo nia Yehova bodho ng’atu ma juwiro pare.
Edwoko ire lembe kud i polo pare ma leng’
Kud aloci* ma dongo m’uai i cinge mir acwic.
7 Jumoko jengiri iwi magali man jumange ke iwi riuni,
Ento wan walwong’o nying’ Yehova Mungu mwa.
8 Girwombiri man gipodho,
Ento wan waai malu man wacungo nging’ nging’ kendo.
9 E Yehova, bodh ubimo!
Ebidwoko iwa lembe i nindo ma wabikwayu iye kony.