Zaburi
Ni jatel wi wer. Wer pa Daudi.
21 E Yehova, anyong’a nego ubimo pi tego peri;
Anyong’a nege i kum tic peri mi both mire maa!
2 Imiyo ire gin m’adundene yenyo,
Man ikwero ngo kwac mi dend dhoge. (Sela)
3 Kum ibin irombo kude ku mugisa lee,
Iketho jamker mi wic mi mola ma kwar ma leng’* i wiye.
4 Ekwayu kwo i beng’i, e imiye ire,
Kwo mi nindo ma dupa, ma rondo ku rondo.
5 Tic peri mi both miyo ire dwong’ ma dit.
Iketho yung ku leng’o i wiye.
6 Iketho mugisa ukwanye pi nja;
Inyayu anyong’a i iye kud anyong’a m’i weng’i.
7 Kum ubimo ugeno Yehova;
Ebiyengere ngo nyanok de nikum mer ma lokere ngo pa Ng’atu ma Malu ngbir.
8 Cingi binwang’u judegi peri ceke;
Cingi mir acwic binwang’u ju ma gidegi.
9 Ibiketho gibidoko calu uka m’ubogere i saa m’ukethere kinde m’ibiloko weng’i i kumgi.
Yehova bimwonyogi i kwinyo pare man mac biwang’ugi.
11 Kum gipangu nitimo lembe ma rac i kumi;
Man gicamu gamba ma birombo ngo.
13 Ai malu, E Yehova, man nyuth kero peri.
Wabipaku tego peri ku wer.*