KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • Wer pa Suleman 2
  • Biblia—Lok mi ng’om ma nyen

Thenge maeni umbe ku video.

Tim kisa, kosa moko uwok rek.

Lembe ma dongo m’i buku mi Wer pa Suleman

    • NYACULAMI I KAGONJO PA SULEMAN (1:1–3:5)

Wer pa Suleman 2:4

Korolembe mi there

  • *

    Kunoke “ot mi foc; mi feth.”

Wer pa Suleman 2:8

Korolembe mi there

  • *

    Kunoke “nyithi gudi.”

Wer pa Suleman 2:17

Korolembe mi there

  • *

    Kunoke nyo “gudi ma wiw.” Kunoke “gudi mi Bether.”

Lok m'urombo

Dii wi namba pi nineno verse mange m'urombo kude.
  • Biblia—Lok mi ng’om ma nyen
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
Biblia—Lok mi ng’om ma nyen
Wer pa Suleman 2:1-17

Wer pa Suleman

2 “Atie ndhu thiwe safran mi pambu m’i dhu pii,

thiwe m’i poga.”

 2 “Calu thiwe i kind ukudho,

nyaramara para de tie kumeno i kind jumanyir.”

 3 “Calu yend pom i kind yen m’i luli,

jamerna de kumeno i kind awobi.

Ava bedo i the tipone nega lee dit,

man nyinge m’ecego mit i dhoga.

 4 Etera i ot mi pigulok,*

man bendela pare m’etelo i wiya tie mer.

 5 Mii ira tego ku mukathi mi nying ulok;

dwok kero i kuma ku pom,

kum abetwoyo twoyo mi mer.

 6 Cinge mir acam utheno the wiya,

man cinge mir acwic ugwaka.

 7 Abekwayuwu, E nyi Yeruzalem,

wukwong’ ira ku nying’ ruda man thil m’i lum nia,

wubipimo ngo nicewo kadi nitugo mer i iya nitundo ebimito en gire.

 8 Abewinjo dwand jamerna!

Eni ca! Ebebino,

m’ebepiey apieya iwi gudi, ebepor apora iwi ungulu gudi.*

 9 Jamerna calu ruda, e calu nyathi thil.

Eni ca, ecungo i ng’ey ot fwa,

ebekemo piny kud i wang’ madhirisa,

ebeneno piny ku wang’ kiyongila mi wang’ madhirisa.

10 Jamerna uweco, eyero ira kumae:

‘Ai malu nyaramara para,

nyagin para ma leng’, bin wacidhi.

11 Nen! saa pa koyo udaru kadhu.

Nindo pa koth de ukadhu man ucidho.

12 Piny udaru thiwo i ng’ombuni,

saa mi lwero kum yen de uromo,

man wak p’akuru de ubewinjere i ng’om mwa.

13 Yend ulam ucego nyinge ma kwong’a;

yend ulok uthiwo man ng’wicgi ubeng’wii ma ng’ar.

Ai malu nyaramara para, bin.

Nyagin para ma leng’, bin wacidhi.

14 E akuru para, in m’ipondo i kind cana,

kaka ma kut man ma lung’,

wek aneni man awinj dwendi,

pilembe dwendi mit man in zoo i leng’.’”

15 “Wumak iwa nzer,

nyithi nzer m’ubenyotho podho mir ulok,

kum ulok mwa udaru thiwo i podho.”

16 “Jamerna e para man an a pare.

Ebekwayu lim i kind thiwe m’i lum.

17 Ma fodi yamu mi dieceng’ ucaku koto ngo, man ma fodi tipopiny urwinyo ngo,

dwogi pio, E jamerna,

calu ruda kunoke calu nyathi thil iwi gudi m’upoko kindwa.*

Girasoma mi dhu Alur (1993-2026)
Woki
Mondi
  • Alur
  • Ore ni ng'atini
  • Lembe m'imaru
  • Copyright © 2025 Watch Tower Bible and Tract Society of Pennsylvania
  • Cik mi tio kude
  • Cik mi Gwoko Lembamung'a
  • Paramètres de confidentialité
  • JW.ORG
  • Mondi
Ore ni ng'atini