KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb wic 19 mba. 50-mba. 51 udu. 2
  • Masendi adek ma kwong’a

Thenge maeni umbe ku video.

Tim kisa, kosa moko uwok rek.

  • Masendi adek ma kwong’a
  • Nwang’ ponji niai kud i kpawa mi Biblia
  • Lembe mange m'urombo ku maeni
  • Masendi abusiel m’ulubo
    Nwang’ ponji niai kud i kpawa mi Biblia
  • Musa ung’iyo nitimo ni Yehova
    Nwang’ ponji niai kud i kpawa mi Biblia
  • Masendi mir apar
    Nwang’ ponji niai kud i kpawa mi Biblia
Nwang’ ponji niai kud i kpawa mi Biblia
lfb wic 19 mba. 50-mba. 51 udu. 2
Musa gikud Arun gicungo i wang’ Farao

PONJI MIR 19

Masendi adek ma kwong’a

Jumisiri gidwoko nyithindho mir Israel ni ng’eca migi, man gibed giketho gitimo tic ma tek. E Yehova ugam uoro Musa gikud Arun gicidh giyer ni Farao kumae: ‘Wek dhanu para gicidhi, kara gitim ira i langa.’ Farao udwoko ku kuhaya kumae: ‘Yehova tie ng’a? Abiweko ngo nyithindho mir Israel gicidhi.’ I ng’eye, Farao umedo tic mange lee ni nyithindho mir Israel. E Yehova unwang’u nia kwayu ekeeler wi Farao kara enwang’ ponji. Ing’eyo nia elero wiye nenedi? Ekelo masendi apar iwi ng’om mi Misiri. Yehova uyero ni Musa kumae: ‘Farao ubewinja ngo. Urwo kugweno, ebicidho i dhu Kulo Nil. Cidh iyer ire nia calu m’ekwero niweko dhanu para gicidhi, pii mi Kulo Nil zoo bidoko ni rimo.’ Musa uworo dwand Yehova, e ecidho i bang’ Farao. Arun ugam ugoyo Kulo Nil kud uluth pare i wang’ Farao, e pii mi kulone udoko ni rimo. Pii ukwok, rec utho man pige copo madhere ngo. Re asu Farao ukwero niweko Juisrael gicidhi.

Nindo abiro i ng’eye, Yehova uoro Musa kendo i bang’ Farao ku wec ma e: ‘Kan iweko ngo dhanu para gicidhi, ungwal bipong’ i Misiri zoo.’ Saa maeno de Farao uweko ngo Juisrael gicidhi. E Arun uting’o uluth pare man erieye; e ungwal uumo ng’om Misiri zoo. Ungwal ubino kaka moko ci: i udi mi dhanu, iwi pem, man i sani. Farao uyero ni Musa nia ekway Yehova kara masendi maeno ujiki. Eng’olo nia ebiweko nyithindho mir Israel gicidhi. Yehova ujigo masendine, e Jumisiri gicaku coko dhug avuj ungwal karacelo. E ng’wic Misiri udoko tik tik ma yerere ngo. Re Farao ukwero kendo niweko Juisrael gicidhi.

I ng’eye, Yehova uyero ni Musa kumae: ‘Arun bigoyo utur mi ng’om kud uluth pare, man utur bidoko ni uber.’ E ndhu ndhu nica, uber uromo ng’om mi Misiri ceke. Dhanu pa Farao moko giyero ire kumae: ‘Mungu re m’ukelo masendi maeni i wiwa.’ Re asu Farao uweko ngo nyithindho mir Israel gicidhi.

Iwi masendi apar ma Mungu kelo iwi Misiri, adek ni e: Pii mi Kulo Nil udoko ni rimo, ungwal man uber

“Abiketho gibing’eyo kero ku tego para . . . man gibing’eyo andha nia nyinga tie Yehova.” ​—Yeremia 16:21, Biblia​—Lok mi ng’om ma nyen

Penji: Kekwan masendi adek ma kwong’a ma Mungu ukelo iwi Jumisiri. Pirang’o Yehova ukelo masendi maeno iwi Jumisiri?

Ai 5:1-18; 7:8–8:19; Nehemia 9:9, 10

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini