KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb wic 45 mba. 110-mba. 111 udu. 2
  • Ker upokere

Thenge maeni umbe ku video.

Tim kisa, kosa moko uwok rek.

  • Ker upokere
  • Nwang’ ponji niai kud i kpawa mi Biblia
  • Lembe mange m'urombo ku maeni
  • Nwang’u ecopo nwang’u bero i wang’ Mungu
    Otkur ma Wiw m’Ubetwong’o pi Ker pa Yehova (Mi ponji)—2018
  • Lembe ma dongo m’i buku pa 1 Ubimo
    Biblia—Lok mi ng’om ma nyen
Nwang’ ponji niai kud i kpawa mi Biblia
lfb wic 45 mba. 110-mba. 111 udu. 2
Ahiya ubekilo i bongu pare ni 12 i wang’ Yeroboam

PONJI MI 45

Ker upokere

I kind nindo ceke ma Suleman uworo iye Yehova, Juisrael gikwo ku kwiyocwiny. Ento i ng’eye, Suleman ugamu mon dupa mi ng’om mange, man monne ceke gibed giworo ayi gin m’acwiya. Nok nok, mon maeno giloko adunde Suleman, man en de ecaku woro ayi gin m’acwiya. Lembene uton lee i Yehova, uketho ewacu ni Suleman kumae: ‘Abimayu ker kud i ot peri, man abipoko iye ni ario. Abimiyo ng’et kerne ma lee ni ng’atu acel m’i kind jutic peri, man dhanu mi ot peri ke gibibimo wi ng’et kerne ma nok kende.’

Yehova unyutho lembe maeno i ayi mange bende. Nindo moko, kinde ma Yeroboam ma jatic pa Suleman ubewotho i yo, ewok erombo ku jabila Ahiya. Ahiya uting’o bongu pare man ekilo iye uwok apar ario man ewacu ni Yeroboam kumae: ‘Yehova bimayu ker mir Israel cen kud i cing’ Suleman, man ebipoko iye ni ario. Gam theng bongu apar ma e, pilembe in re m’ibidoko ubimo iwi suru apar.’ Kinde m’ubimo Suleman uwinjo lembe maeno, emito eneg Yeroboam cen! Yeroboam ugam uringo i Misiri. Oro moko i ng’eye, Suleman utho man wode ma Rehoboam udoko ubimo kakare. E Yeroboam udok i ng’om mir Israel.

Juisrael ma dupa gibetimo thier ni dhiang’ mi mola ma Yeroboam uyiko

Judongo mir Israel giyero ni Rehoboam kumae: ‘Kan ibitimo bero ni udul dhanu, e gibimeri.’ Ento awobi wadi Rehoboam ma gitie jurimbe giwacu ire kumae: ‘Sendgi lee! Keth gitim tic ma tek!’ Rehoboam utimo lembe ma jurimbe giyero. Ecaku sendo dhanu lee, e gijai ire. Dhanu mi suru apar giketho Yeroboam ni ubimo migi; julwong’o suru aparne nia ker mir Israel. Ento dhanu mi suru ario gimediri nilubo tok Rehoboam; julwong’o suru arione nia ker mi Yuda. Kumeno re ma i suru 12 mir Israel ugam upokere.

Yeroboam ukwero nia dhanu m’ebebimo wigi kud gicidh gitim thier i adhura mi Yeruzalem, pilembe adhurane ubino i thenge ma Rehoboam re m’ubebimo wiye. Nyo ing’eyo nia pirang’o Yeroboam ukwero? Pilembe eparu nia udul dhanu gibiweke man gibidok i bang’ Rehoboam. E Yeroboam uyiko dhieng’ ario mi mola ma kwar man ewacu ni dhanu kumae: ‘Wubed wutim thier kakeni. Yeruzalem ni bor dit.’ Dhanu gicaku woro dhieng’ mi mola ma kwar, man giweko nitimo ni Yehova.

“Kud wuriburu karacelo ku ju ma gi juyic ungo. Kum winjiri ma kani m’utie i kind bedopwe ku turocik? . . . Kadi winjiri ma kani m’utie i kind jayic ku jayic ungo?”​—2 Jukorintho 6:14, 15

Penji: Pirang’o ker mir Israel upokere? Ubimo Rehoboam giku Yeroboam gitimo lembang’o ma reco?

1 Ubimo 11:1-13, 26-43; 12:1-33

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini