KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb wic 23 mba. 60
  • Gitimo lembang’ola ni Yehova

Thenge maeni umbe ku video.

Tim kisa, kosa moko uwok rek.

  • Gitimo lembang’ola ni Yehova
  • Nwang’ ponji niai kud i kpawa mi Biblia
  • Lembe mange m'urombo ku maeni
  • Gituro lembang’ola migi
    Nwang’ ponji niai kud i kpawa mi Biblia
  • Yen m’udinyo ubewang’
    Nwang’ ponji niai kud i kpawa mi Biblia
Nwang’ ponji niai kud i kpawa mi Biblia
lfb wic 23 mba. 60
Nyithindho mir Israel gicungo i the got Sinai

PONJI MI 23

Gitimo lembang’ola ni Yehova

Dwi ario i ng’ey ma nyithindho mir Israel giwok kud i Misiri, gigam gitundo i kum got Sinai man gigonjo keca. Yehova ulwong’o Musa iwi got, man eyero ire kumae: ‘Abodho nyithindho mir Israel. Ka giwora man giworo cik para ceke, gibidoko thek para ma segi.’ Musa ugam uloro i bang’ dhanu man ekoro igi lembe ma Yehova uyero ire. Nen migi ubino ang’o? Gidwoko kumae: ‘Wabitimo lembe ceke ma Yehova ung’olo iwa nia watim.’

Musa udok kendo iwi got. Kuca, Yehova uwok uyero ire kumae: ‘I ng’ey nindo adek abiweco kudi. Ng’ol ni dhanu nia kud gipim nicoro ceng’ini i kum got Sinai.’ Musa uloro ku wi got man eyero ni nyithindho mir Israel nia giyikiri pi niwinjo lembe ma Yehova biyero igi.

Nyithindho mir Israel gibeneno lukoth man afuru ma col uumo wi got Sinai

Nindo mir adege, gineno afuru ma col uumo wi got man polo ubemil. Bende, gineno lukoth ubegoyo piny man giwinjo polo ubemor. Yehova ugam uloro piny iwi got i kind mac m’ubeliel. Lworo unego nyithindho mir Israel lee dit man kumgi ubino miel. Got ubino yengere ma rac man ethwogo yiro, man yirone upong’o wi gode ceke. Dwal mir agwara ubino medere ameda. E Mungu uyero kumae: ‘An a Yehova. Icikiri ngo niworo mungu mange.’

Musa ugam udok kendo iwi got man Yehova uwok umiyo cik pi nikonyo dhanu ging’ey kite m’ukwayu giwore ko man kite ma gicikiri nitimo ko lembe ni jumange. Musa ugam ukiewo cikne man i ng’eye esome ni nyithindho mir Israel. Kinde ma giwinjo cikne, ging’olo kumae: ‘Wabitimo lembe ceke ma Yehova ung’olo iwa nia watim.’ Eyo, gitimo lembang’ola ni Mungu. Re nyo gibiworo lembang’ola migine?

“Icikiri nimaru Yehova Mungu peri kud adundeni ceke, ku ng’eyong’ec peri ceke man ku pidoic peri ceke.”​—Matayo 22:37

Penji: Lembang’o m’utimere i kum got Sinai? Nyithindho mir Israel ging’olo lembang’o ni Yehova?

Ai 19:1–20:21; 24:1-8; Poy mi Cik 7:6-9; Nehemia 9:13, 14

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini