KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb wic 75 mba. 178-mba. 179 udu. 4
  • Wonabali ubidho Yesu

Thenge maeni umbe ku video.

Tim kisa, kosa moko uwok rek.

  • Wonabali ubidho Yesu
  • Nwang’ ponji niai kud i kpawa mi Biblia
  • Lembe mange m'urombo ku maeni
  • Nwang’ ponji ikum abidhe ma Wonabali ubidho ko Yesu
    Yesu en e yo, lemandha, man kwo
Nwang’ ponji niai kud i kpawa mi Biblia
lfb wic 75 mba. 178-mba. 179 udu. 4
Yesu ubekwero nipiey ku kaka ma lirlir mir hekalu

PONJI MI 75

Wonabali ubidho Yesu

Yesu ubekwero niloko kidi udok ni mukathi

I ng’ey ma Yesu ulimo batizo, tipo ma leng’ utelo wiye nitundo i langa. Ecamu ngo piny moko zoo de pi nindo 40, man kec ubino nege lee mandha. E Wonabali ubin ubidho Yesu man eyero ire kumae: ‘Tek andha itie Wod Mungu, yer ni kidi ma e udok ni lungu mukathi.’ Ento Yesu utiyo ku giragora pi nidwoko ire kumae: ‘Egorere nia tie ngo mukathi kende re ma ketho dhanu kwo. Ento ukwayu niwinjo lembe ceke m’uai i dhu Yehova.’

Wonabali uketho Yesu kendo i amulaic kumae: ‘Tek andha i Wod Mungu, piey piny ku kaka ma lirlir mir hekalu. Kum egorere nia Mungu bioro malaika pare pi nimeki.’ Ento Yesu utiyo kendo ku giragora pi nidwoko ire kumae: ‘Egorere nia icikiri ngo nimulo i Yehova.’

Yesu ubekwero ker mi ng’om ceke ma Sitani ubemiyo ire

I ng’eye, Sitani unyutho ni Yesu ker ceke m’i ng’om ku lonyo man dwong’ne de, e eyero ire kumae: ‘Abimiyo iri ker maeni ceke ku dwong’ne de, tekene irum man irwo ira wang’ acel kende ci.’ Ento Yesu udwoko ire kumae: ‘Cidh cen Sitani! Egorere nia icikiri nirwo ni Yehova kende.’

Wonabali ugam uweke, e jumalaika gibino man gitimo ire. Niai eca, Yesu ucaku rweyo lembanyong’a mi Ker. Eno re m’ubino tic ma juore pire iwi ng’om. Dhanu umaru lembe ma Yesu uponjo igi, man gilubo toke kaka moko ci m’ebecidho i iye.

‘Ka [Wonabali] ubecwayu vupo, ecwaye calku kura pare, pilembe en e javupo man e wego mi vupo.’​—Yohana 8:44

Penji: Abidhe adek ma kani ma Sitani ubidho ko Yesu? Yesu udwoko lembe ni Sitani nenedi?

Matayo 4:1-11; Marko 1:12, 13; Luka 4:1-15; Poy mi Cik 6:13, 16; 8:3; Yakobo 4:7

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini