Wamed bodho mwa i tic mi rweyo lembanyong’a—Nirweyo kakare mi lwor

Pirang’o pire tie tek nitimo kumeno: Calu dhanu dupa gibed gitimo tic pi saa ma lee, wang’ mapol, yo maber ma jucopo nirweyo ko igi lembanyong’a mi Ker tie nicidho ninwang’ugi kakare mi tic migi. Nirweyo i kakare mi lwor copo ninyayu mutoro man nimio matoke maber, pilembe dhanu koso ngo i kakare mi lwor, man pilembe jurulwor gibed gitimo kero ninyutho woro moko ni ju ma gibeneno nia copo bedo ni jurung’iew. Kara ginwang’ adwogi maber, jurwei gicikiri nitio ku riekowang’ man ninyutho lapor maber i kendi migi man i rukiri migi. (2 Kor. 6:3) Pieno, jaliew mi tic (surveillant au service) ucikere nineno cuu nia jubed jurweyo wang’ mapol kakare ma tung’ tung’ mi lwor, man nia ng’agi ma gibed girweyo i kakarene.